ఈ 10 సినిమాల్లో కనిపించని పాత్రలను గమనించారా?

ఈ మధ్యనే మన ‘ఆర్.ఎక్స్.100’ హీరో కార్తికేయ నటించిన ‘చావు కబురు చల్లగా’ అనే సినిమా వచ్చింది. కౌశిక్ పెగళ్ళపాటి అనే యువ దర్శకుడు ఈ చిత్రాన్ని డైరెక్ట్ చేసాడు. ‘జిఎ2 పిక్చర్స్’ బ్యానర్ పై బన్నీ వాసు ఈ చిత్రాన్ని నిర్మించాడు. థియేటర్లలో ఈ సినిమా పెద్దగా ఆడలేదు కానీ.. ఓటిటిలో బాగానే చూసారు జనాలు. అయితే ఆ తరువాత సోషల్ మీడియాలో ఓ విషయం గురించి డిస్కషన్ మొదలైంది. అదేంటంటే.. ఈ సినిమాలో హీరోయిన్ లావణ్య త్రిపాఠి భర్తను చనిపోయినట్టు చూపించారు. అతని పాత్ర సినిమాలో కనిపించదు. ఫ్లాష్ బ్యాక్ లాంటిది కూడా పెట్టలేదు. ‘సినిమాలో ఈ క్లారిటీ మిస్ అయ్యింది.. అందుకే థియేటర్లలో పెద్దగా ఆడలేదు’ అనే కామెంట్స్ వినిపించాయి. అయితే గతంలో వచ్చిన హిట్టు సినిమాల్లో కూడా కనిపించని పాత్రలు ఉన్నాయి. అలా కనిపించని పాత్రలతో వచ్చిన సినిమాలు ఏంటో ఓ లుక్కేద్దాం రండి :

1) చావు కబురు చల్లగా :

పీటర్ అనే పాత్ర.. స్టార్టింగ్ లో చెప్పుకున్నాం కదా.. హీరోయిన్ లావణ్య త్రిపాఠి భర్త పాత్ర కనిపించదు.

2) నువ్వు వస్తావని :

ఈ సినిమాలో హీరో నాగార్జున కు తల్లి ఉంటుంది. కానీ ఆ అమ్మ పాత్ర సినిమాలో కనిపించదు. పైగా ఆవిడ చనిపోయి హీరోయిన్ కు కళ్ళు దానం చేసినట్టు చూపిస్తారు.

3) ఔను వాళ్ళిద్దరూ ఇష్టపడ్డారు :

ఈ చిత్రంలో కూడా హీరో రవితేజ అమ్మ పాత్ర గురించి డిస్కషన్ ఉంటుంది. కానీ ఆ పాత్ర సినిమాలో కనిపించదు.

4) బొమ్మరిల్లు :

ఈ సూపర్ హిట్ మూవీలో హీరో సిద్దార్థ్ అక్క అయిన సురేఖ వాణి భర్త అమెరికాలో ఉన్నట్టు చెబుతారు.ఆమె ఫోన్లో మాట్లాడుతూ ఉంటుంది. కానీ ఆ బావ పాత్రను చూపించరు.

5) చంద్రలేఖ :

ఈ చిత్రంలో హీరోయిన్ రమ్యకృష్ణ.. రాజ్ కుమార్ అనే వ్యక్తిని ప్రేమించి ఇంట్లో నుండీ వెళ్ళిపోయినట్టు చూపిస్తారు. కానీ ఆ రాజ్ కుమార్ పాత్రను చూపించరు.

6) రౌడీ ఫెలో :

ఈ సినిమాలో కూడా హీరో నారా రోహిత్ కు తండ్రి పాత్ర ఉన్నట్టు డిస్కషన్ ఉంటుంది. కానీ అతని పాత్రను చూపించరు.

7) నానీస్ గ్యాంగ్ లీడర్ :

నాని హీరోగా నటించిన ఈ సినిమాలో హీరోయిన్ ప్రియాంక అరుళ్ మోహన్ కు ఓ వ్యక్తితో నిశ్చితార్ధం అయినట్టు డిస్కషన్ ఉంటుంది. కానీ ఆ వ్యక్తిని చూపించరు.

8) జాను :

ఈ సినిమాలో హీరోయిన్ సమంతకు పెళ్లై ఓ పాపకు తల్లి అయినట్టు చూపిస్తారు. కానీ ఈమె భర్త పాత్రను మాత్రం చూపించరు.

9) ఆర్.ఎక్స్.100 :

ఈ చిత్రంలో హీరోయిన్ పాయల్ హీరో కార్తికేయను మోసం చేసి వెళ్ళిపోయినట్టు చూపిస్తారు. కానీ ఆమె భర్త పాత్రను మాత్రం చూపించారు.

10) వకీల్ సాబ్ :

ఈ చిత్రంలో నివేదా థామస్ కు బాయ్ ఫ్రెండ్ ఉన్నట్టు చెబుతుంది. కానీ అతన్ని చూపించరు. చివరికి వేరే అతనితో ఎంగేజ్మెంట్ అయినట్టు చూపిస్తారు. బహుశా అతనే బాయ్ ఫ్రెండ్ అనుకోవాలేమో..!