“రంగస్థలం 1985” పై ప్రత్యేక శ్రద్ధపెట్టిన రామ్ చరణ్, సుకుమార్

దర్శకుడు సుకుమార్ ఎన్ని ఎదురు దెబ్బలు తిన్నా కొత్తగా అలోచించడం మానరు. అందుకే రామ్ చరణ్ తో తీస్తున్న మూవీ కూడా నేటి ట్రెండ్ కి భిన్నమైన కథను ఎంచుకున్నారు. సినిమా టైటిల్ “రంగస్థలం 1985” అంటూ ప్రకటించి అందరి దృష్టిని తనవైపు తిప్పుకున్నారు. ఈ పేరు మెగా అభిమానుల్లో అంచనాలు పెంచింది. వారి అంచనాలకు మించి సినిమా ఉండాలని సుకుమార్, రామ్ చరణ్ శ్రమిస్తున్నారు. మగధీర తర్వాత మాస్ అభిమానులకు నచ్చే విధంగా పూర్తి స్థాయిలో ఏ మూవీ చేయలేదు. ఈ చిత్రంతో ఆ లోటును పూడ్చనున్నారు. సినిమా మొత్తం విలేజీలోనే జరగనుంది.

లుక్ తో పాటు, పాటలు, ఫైట్స్ అన్నీ విజిల్స్ వేయించే విధంగా ఉంటాయని చిత్ర యూనిట్ వెల్లడించింది. రీసెంట్ గా వచ్చిన షూటింగ్ లొకేషన్ ఫోటోలు ఈ విషయాన్నీ దృవీకరిస్తున్నాయి. మైత్రీ మూవీ మేకర్స్ వారు నిర్మిస్తున్న ఈ చిత్రంలో చెర్రీ కి జంటగా సమంత నటిస్తోంది. అనసూయ ప్రత్యేక పాటలో అందాలను ఆరబోయనుంది. భారీ అంచనాలు నెలకొని ఉన్న ఈ మూవీ వచ్చే సంక్రాంతికి థియేటర్లో సందడి చేయనుంది.

Also, do SUBSCRIBE to our YouTube channel to get latest Tollywood updates.