వివిధ రకాల పాత్రల్లో నటించి, ఎంతోమంది అభిమానులను సొంతం చేసుకున్న నటుడు చరణ్ రాజ్. ఇతను దాదాపు నేటి తెలుగు హీరోలందరితో నటించారు. మెగా హీరోలైన చిరంజీవి, పవన్ కళ్యాణ్ తో కూడా కలిసి నటించారు. తాజాగా ఓ ఇంటర్వ్యూ లో పాల్గొన్న ఆయన మెగా బ్రదర్స్ పై తన అభిప్రాయాన్ని బయట పెట్టారు. “మెగాస్టార్ చిరంజీవి హార్డ్ వర్కర్. ఏదైనా సీన్, ఫైట్, డ్యాన్స్ , డైలాగ్ కానీ పర్ఫెక్ట్ గా వచ్చేంత వరకు ఆయన వదిలిపెట్టరు. అంతటి డెడికేషన్ పవన్ కల్యాణ్ లో కూడా నేను చూశాను. అయితే పవన్ చాలా స్వీట్ పర్సన్, ఎవరికీ ఎలాంటి అపకారం చేసే మనస్తత్వం లేని వ్యక్తి. తన పని మాత్రమే ఆయన చూసుకుంటారు.
పక్కవారి విషయాల్లో వేలు పెట్టడం కానీ, విమర్శించడం కానీ చేయరు. చిరంజీవి, పవన్ ఇద్దరూ గొప్ప వ్యక్తిత్వం కలిగిన మనుషులు” అని అభినందించారు. ఇక పవన్ కళ్యాణ్ రాజకీయ ఎంట్రీ గురించి మాట్లాడుతూ.. “చిన్న వయసులోనే ప్రజాసేవ చేసేందుకు, రాజకీయాల్లోకి పవన్ కళ్యాణ్ వచ్చారు. ఆయనకు ఆ ఆలోచన రావడం దైవేచ్ఛ. ఆయనకు బలాన్ని, ప్రజల మద్దతును ఇవ్వాలని దేవుడుని కోరుకుంటున్నాను” అని పరోక్షంగా జనసేనకు మద్దతు తెలిపారు.
