రోజులన్నీ మనవి కావు.. ఎప్పుడు ఏం జరుగుతుందో తెలియదు. ఎప్పుడు నవ్వుతామో, ఎప్పుడు నవ్వులపాలవుతామో అస్సలు తెలియదు. అందుకే తమదికాని సమయంలో నవ్వి ఆ తర్వాత ఇబ్బందులు పడకూడదు అని అంటుంటారు. ఎందుకీ వేదాంతం, ఎవరి గురించి ఈ మాటలు అంటారా? ఈ మాటలు మేం అనడం లేదు. రామ్‌చరణ్‌ ఫ్యాన్స్ అంటున్నారు. ఇక ఎవరి గురించి అంటారా? అతి నమ్మకంతో రూ. 200 కోట్ల డీల్‌ను వదులుకున్న డేరింగ్‌ ప్రొడ్యూసర్‌ ఛార్మి గురించి.
‘లైగర్’ సినిమా పరాజయంతో అసలే బాధలో ఉన్న పూరి జగన్నాథ్‌, ఛార్మి టీమ్‌కి సోషల్‌ మీడియా పుండు మీద కారం చల్లుతున్నట్లుగా కొన్ని మీమ్స్‌, జోక్స్‌, సెటైర్లు, కౌంటర్స్‌ ఇబ్బంది పెడుతున్నాయి. అందులో చాలావరకు స్వయంకృతాపరాధమే అని చెప్పాలి. అంటే.. వాళ్లు గతంలో చేసిన కొన్ని పనులే వారిని ఇప్పుడు ఇబ్బంది పెడుతున్నాయి. అసలు రామ్‌చరణ్‌ ఫ్యాన్స్ ఇప్పుడు ఎందుకు ఛార్మిని ట్రోల్‌ చేస్తున్నారు అనేగా మీ ప్రశ్న. ఈ విషయంలో మీకు తెలియాలంటే ట్విటర్‌లో ఛార్మి ప్రొఫైల్‌ని ఏడేళ్లు వెనక్కి స్క్రోల్‌ చేయాలి.
అయితే మీకు అంత కష్టం లేకుండా మేమే ఆ ట్వీట్, ఆ విషయం చెబుతాం. రామ్‌చరణ్‌ ‘బ్రూస్‌లీ’ సినిమా విడుదలైన రోజున ఛార్మి ఓ ట్వీట్ చేసింది. అందులో మొత్తం నవ్వుతున్న ఎమోజీలు, చప్పట్లు కొట్టిన ఎమోజీలే ఉన్నాయి. ఆమె ఎందుకలా ట్వీట్ చేసింది అనేది అప్పుడు, ఇప్పుడు ఎప్పుడూ ఎవరికీ చెప్పలేదు. అయితే ‘బ్రూస్‌లీ’ సినిమా ఫ్లాప్‌ అవ్వడంతో ఛార్మి అలా ట్వీట్ చేసింది అని రామ్‌చరణ్‌ ఫ్యాన్స్ అంటున్నారు. దానికి ఇప్పుడు ‘లైగర్’ ఫలితం సమాధానం ఇచ్చింది అంటూ కామెంట్లు చేస్తున్నారు.
‘బ్రూస్‌లీ’ సినిమాకు ముందు చిరంజీవి – పూరి జగన్నాథ్‌ల ‘ఆటో జానీ’ సినిమా ఓకే అయినట్లే అయ్యి.. ఆగిపోయింది. చిరు రీఎంట్రీ ఆ సినిమాతోనే అనుకున్నప్పటికీ కుదర్లేదు. ఈలోపు రీఎంట్రీకి టీజర్‌లా ఉంటుంది అని ‘బ్రూస్‌లీ’లో నటించారు చిరు. అయితే ఆ సినిమా ఫట్‌ మనడంతో అభిమానులు బాగా నిరాశకు గురయ్యారు. అదే సమయంలో ఛార్మి అలా ట్వీట్ చేయడంతో అభిమానులకు బాగా కాలింది. అయితే అప్పట్లో ట్రోలింగ్‌, గీలింగ్‌లు లాంటివి లేవు. దీంతో ఇప్పుఉ ‘లైగర్’ ఫలితం తర్వాత ఛార్మి ట్వీట్ కింద ఆట మొదలుపెట్టారు.
😂😂😂😂😂😂😂👏🏻👏🏻👏🏻👏🏻👏🏻
😂😂😂😂😂😂😂😂😂😂😂😂😂
— Charmme Kaur (@Charmmeofficial) October 16, 2015
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
