Charmme Kaur: ఛార్మి తొలి సినిమాలో అలా చేసిందా?

September 20, 2021 / 06:39 PM ISTByFilmy Focus

Join Us

Charmme Kaur: ఛార్మి తొలి సినిమాలో అలా చేసిందా?

సినిమా ఇండస్ట్రీలో హీరోహీరోయిన్ల రెమ్యునరేషన్లు గతంతో పోలిస్తే భారీగా పెరిగాయి. కొత్త హీరోయిన్లు సైతం ఒక్కో సినిమాకు పది లక్షల రూపాయల కంటే ఎక్కువ మొత్తం డిమాండ్ చేస్తున్నారు. ఒకప్పుడు స్టార్ హీరోయిన్ గా ఛార్మి వరుస ఆఫర్లతో బిజీగా ఉన్న విషయం తెలిసిందే. గ్లామరస్ రోల్స్ తో పాటు పర్ఫామెన్స్ కు ప్రాధాన్యత ఉన్న రోల్స్ లో సైతం ఛార్మి నటించారు. అయితే కొత్త హీరోయిన్ల ఎంట్రీతో ఛార్మికి ఆఫర్లు తగ్గాయి.

నటనకు దూరమైనా నిర్మాతగా ఇండస్ట్రీలో ఛార్మి కెరీర్ ను కొనసాగిస్తున్నారు. ఇస్మార్ట్ శంకర్ సినిమాతో నిర్మాతగా ఛార్మి కెరీర్ లో సక్సెస్ చేరిందనే సంగతి తెలిసిందే. 60కు పైగా సినిమాలలో నటించిన ఛార్మి తొలి రెమ్యునరేషన్ కేవలం 200 రూపాయలు కావడం గమనార్హం. ఒక సినిమాలో ఛార్మి జూనియర్ ఆర్టిస్ట్ గా చేయగా ఈ మొత్తాన్ని పారితోషికం తీసుకున్నారు. ఆ తర్వాత ఛార్మి హీరోయిన్ గా ఎంట్రీ ఇచ్చి కొన్ని సినిమాలకు రికార్డు స్థాయిలో పారితోషికం తీసుకోవడం జరిగింది.

ఛార్మి నిర్మాతగా ప్రస్తుతం లైగర్ అనే సినిమాను నిర్మిస్తున్నారు. ఈ సినిమాకు 200 కోట్ల రూపాయల ఓటీటీ ఆఫర్ వచ్చినా మేకర్స్ ఆ ఆఫర్ ను రిజెక్ట్ చేసినట్టు ప్రచారం జరిగింది. విజయ్ దేవరకొండ ఈ సినిమా సక్సెస్ విషయంలో ఫుల్ కాన్ఫిడెన్స్ తో ఉన్నారు. 125 కోట్ల రూపాయల భారీ బడ్జెట్ తో పాన్ ఇండియా మూవీగా తెరకెక్కుతున్న ఈ సినిమాలో సునీల్ శెట్టి కీలక పాత్ర పోషిస్తున్నారు. లైగర్ రిలీజ్ డేట్ కు సంబంధించిన ప్రకటన వెలువడాల్సి ఉంది.