తెలుగులో ఎన్నో సూపర్ హిట్ సినిమాల్లో నటించి విజయాలను అందుకున్న హీరోయిన్ గా ఛార్మీకి పేరుంది. అయితే సినిమాల్లో ఆఫర్లు తగ్గిన తర్వాత ఛార్మీ నిర్మాతగా కెరీర్ ను కొనసాగిస్తూ ఆ విధంగా కూడా విజయాలను అందుకుంటున్నారు. గత కొన్నేళ్లుగా ఛార్మీ కౌర్ నటనకు దూరంగా ఉన్నారు. పలు వివాదాల ద్వారా ఛార్మీ కౌర్ పేరు ఈ మధ్య కాలంలో వార్తల్లో వినిపించింది.
ప్రస్తుతం లైగర్ సినిమాతో పాటు రొమాంటిక్ సినిమాకు ఛార్మీ కౌర్ నిర్మాతగా వ్యవహరిస్తున్నారు. రొమాంటిక్ సినిమా ప్రమోషన్స్ లో భాగంగా వరుసగా ఇంటర్వ్యూలు ఇస్తూ ఛార్మీ కౌర్ ఆసక్తికర విషయాలను చెప్పుకొచ్చారు. నిర్మాతగా మారిన తర్వాత తాను గాడిద చాకిరీ చేయాల్సి వస్తోందని ఆమె తెలిపారు. నటనకు, నిర్మాణానికి అసలు పోలికే లేదని ఛార్మీ కౌర్ చెప్పుకొచ్చారు. సినిమాల్లో హీరోయిన్ గా నటించే సమయంలో తనకు కంఫర్ట్ ఎక్కువగా ఉండేదని ఆమె తెలిపారు.
హీరోయిన్ గా ఉండే సమయంలో బ్యూటీపై, ఫిట్ నెస్ పై దృష్టి పెడితే సరిపోయేదని ప్రస్తుతం సినిమా పూర్తయ్యే వరకు గాడిద చాకిరి చేయాల్సిన పరిస్థితి ఉందని ఛార్మీ కౌర్ పేర్కొన్నారు. సినిమాల్లో నటనకు తాను దూరమైనట్టేనని ఆఫర్లు వస్తున్నా వాటికి తాను అంగీకరించడం లేదని ఛార్మీ కౌర్ పేర్కొన్నారు. భవిష్యత్తులో కూడా తాను సినిమాలలో నటించే అవకాశం అయితే లేదని ఛార్మీ కౌర్ చెప్పుకొచ్చారు. హీరోయిన్ గా తనకు ఉన్న కంఫర్ట్ నిర్మాతగా మాత్రం లేదని ఛార్మీ కౌర్ కామెంట్లు చేశారు.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్ టాప్ భామల రెమ్యూనరేషన్ ఎంతంటే?
