Chatrapathi Collections: 16 ఏళ్ళ ‘ఛత్రపతి’.. ఫైనల్ గా ఎంత కలెక్ట్ చేసిందో తెలుసా?

September 30, 2021 / 02:23 PM ISTByFilmy Focus

Join Us

Chatrapathi Collections: 16 ఏళ్ళ ‘ఛత్రపతి’.. ఫైనల్ గా ఎంత కలెక్ట్ చేసిందో తెలుసా?

యంగ్ రెబల్ స్టార్ ప్రభాస్ ఇప్పుడు పాన్ ఇండియా స్టార్ గా మారాడు అన్నా.. అసలు స్టార్ గా ఎదిగాడు అన్నా అది రాజమౌళి వలనే అని చెప్పాలి. ‘ఈశ్వర్’ తో తెరంగేట్రం చేసిన ప్రభాస్.. ఆ సినిమాతో యావరేజ్ ఫలితాన్నే అందుకున్నాడు. ఆ తర్వాత చేసిన ‘రాఘవేంద్ర’ ప్లాప్ అయ్యింది. ‘వర్షం’ బ్లాక్ బస్టర్ అయినప్పటికీ ఆ క్రెడిట్ పూర్తిగా ప్రభాస్ కు చెందింది అని చెప్పలేము. దాని తర్వాత వచ్చిన ‘అడవి రాముడు’ ‘చక్రం’ వంటి సినిమాలు ఆ అనుమానాలను మరింత బలోపేతం చేసాయి. అసలు ప్రభాస్ ఇండస్ట్రీలో నిలదొక్కుకోగలడా అనుకున్న టైములో ‘ఛత్రపతి’ సినిమా వచ్చింది.

‘స్టూడెంట్ నెంబర్1’ ‘సింహాద్రి’ ‘సై’ వంటి హిట్ చిత్రాలను తెరకెక్కించిన దర్శకుడు రాజమౌళి కావడంతో సినిమా పై ఓ మోస్తారు అంచనాలు నమోదయ్యాయి. కానీ రిలీజ్ అయ్యాక ‘ఛత్రపతి’ సూపర్ హిట్ గా నిలిచింది. అంతేకాదు సినిమా మొత్తం ప్రభాసే హైలెట్. సరిగ్గా సినిమాలో అతనికి 3 పేజీల డైలాగులు కూడా ఉండవు. కానీ యాక్షన్ సన్నివేశాల్లో ప్రభాస్ ను రాజమౌళి ఎలివేట్ చేసిన తీరుకి అంతా ఫిదా అయిపోయారు. సరైన హిట్టు కోసం ఎదురుచూస్తున్న ప్రభాస్ కు.. ఆ ముచ్చట తీర్చింది ‘ఛత్రపతి’. మరి బాక్సాఫీస్ వద్ద ఈ చిత్రం ఫైనల్ గా ఎంత కలెక్ట్ చేసిందో ఓ లుక్కేద్దాం రండి :

నైజాం	5.58 cr
సీడెడ్	2.54 cr
ఉత్తరాంధ్ర	1.66 cr
ఈస్ట్	1.08 cr
వెస్ట్	0.93 cr
గుంటూరు	1.27 cr
కృష్ణా	1.11 cr
నెల్లూరు	0.73 cr
ఏపీ + తెలంగాణ (టోటల్)	14.90 cr
రెస్ట్ ఆఫ్ ఇండియా + ఓవర్సీస్	1.45 Cr
వరల్డ్ వైడ్ (టోటల్)	16.35 cr

‘ఛత్రపతి’ చిత్రానికి రూ.10.2 కోట్ల థియేట్రికల్ బిజినెస్ జరిగింది. ఫుల్ రన్ ముగిసేసరికి ఈ చిత్రం రూ.16.35 కోట్ల షేర్ ను రాబట్టింది. అంటే బయ్యర్లకు రూ.6.15 కోట్ల వరకు దక్కాయని చెప్పొచ్చు. ‘ఛత్రపతి’ తర్వాత రాజమౌళి- ప్రభాస్ కాంబినేషన్లో వచ్చిన ‘బాహుబలి’ (సిరీస్) చరిత్ర సృష్టించిన సంగతి తెలిసిందే. అంతేకాకుండా 16 ఏళ్ళ తర్వాత ‘ఛత్రపతి’ చిత్రాన్ని దర్శకుడు వి.వి.వినాయక్.. హీరో బెల్లంకొండ సాయి శ్రీనివాస్ తో హిందీలో తెరకెక్కిస్తుండడం విశేషం. అదెలా ఉంటుందో చూడాలి మరి.