అత్యంత నిరాడంబరంగా నిర్వహింపబడనున్న మెగాస్టార్ 151వ సినిమా ప్రారంభోత్సవం ఏప్రిల్ 29న శుక్రవారం, జూబ్లీ హిల్స్ లోని రామ్ చరణ్ ఆఫీస్ లో జరగనున్న విషయం తెలిసిందే. ఈ ప్రారంభోత్సవానికి మెగా కుటుంబం మొత్తం హాజరు కానుండగా.. ఈ కార్యక్రమానికి ముఖ్య అతిధులుగా చిరంజీవి తనకు అత్యంత సన్నిహితులైన డిస్ట్రిబ్యూటర్లు స్వయంగా ఆహ్వానించినట్లు తెలుస్తోంది.
వివి.వినాయక్ దర్శకత్వంలో తెరకెక్కనున్న ఈ చిత్రాన్ని రామ్ చరణ్ నిర్మిస్తుండగా.. దేవిశ్రీప్రసాద్ స్వరసారధ్యం వహిస్తున్నారు. హీరోయిన్ గా తొలుత నయనతార పేరు వినిపించినప్పటికీ.. నయనతార స్వయంగా “నేను చిరంజీవి సినిమా చేయట్లేదు” అని చెప్పడంతో.. హీరోయిన్ ఎవరా? అనే అందరూ ఆలోచిస్తున్నారు!
