ఒక సినిమాలో పాట కోసం వాడిన ట్యూన్ని మరోసారి వాడటం.. లేదంటే వేరే ఎవరో చేసిన ట్యూన్ని మళ్లీ వాడేయడం లాంటివి మన టాలీవుడ్లోనే చూశాం. నిజానికి ఈ పరిస్థితి టాలీవుడ్కి మాత్రమే కాదు.. మొత్తం ఇండియన్ సినిమాలో ఇలాంటి వారిని చాలామందినే చూశాం. అయితే ఒక సినిమాలో వాడిన స్టెప్ను మరో సినిమాలో వాడేయడం లాంటివి చాలా తక్కువగా చూస్తాం. కానీ ఒక సినిమాలో ఒక పాటలో వేసిన స్టెప్ను మరో పాటలో వాడేయం చూశారా? ఇప్పటివరకు చూడకపోయుంటే ఇప్పుడు ‘పెద్ది’ సినిమాలో చూడొచ్చు.
అవును, మీరు చదివింది కరెక్టే. ‘పెద్ది’ సినిమాలో ఈ పని చేశారు డ్యాన్స్ కొరియోగ్రాఫర్ జానీ మాస్టర్. ‘చికిరి..’ పాటలో బ్యాటును పట్టుకుని కాళ్లను వేగంగా ఆడించే స్టెప్ చూశారా? ఆ స్టెప్ను రామ్చరణ్ స్వయంగా కంపోజ్ చేశారు అని జానీ మాస్టర్ కూడా చెప్పారు. ఆ స్టెప్ నిజానికి పాతదే. రామ్ ‘వారియర్’ సినిమాలో ‘బుల్లెట్..’ పాటలో ఆ స్టెప్ లాంటిదే ఉంటుంది. సేమ్ లెగ్ మూమెంట్ చేతిలో బ్యాటు ఉండదు అంటే. మిగిలిన మూమెంట్ అంతా సేమ్ టు సేమ్. అయితే, స్టెప్ వేసిన స్పీడ్, ప్లేస్ మారడంతో కొత్తగా కనిపిస్తుంది.
ఇక ప్రజెంట్ సిట్యువేషన్ గురించి చూస్తే.. ‘పెద్ది’ సినిమా నుండి ‘హల్లల్లో..’ పాటను బాగా ఎంజాయ్ చేసే ఉంటారు. రామ్చరణ్ – శ్రుతి హాసన్ – జాన్వీ కపూర్ కలసి పాటలో అదరగొట్టారు. ఫుల్ లెవల్లో డ్యాన్సర్లతో పాట వైబ్ మామూలుగా లేదు. వారికి ఫ్రంట్లో చరణ్ – శ్రుతి – జాన్వీని చూస్తాం కానీ.. వెనుకున్న డ్యాన్సర్లను చూస్తామా చెప్పండి అంటారా. అవుననుకోండి కానీ వెనకున్న డ్యాన్సర్లను చూస్తే ఆసక్తికర విషయం ఒకటి కనిపిస్తుంది. అదే ‘చికిరి’ పాలో చరణ్ కొండ అంచున వేసే స్టెప్ గుర్తుందా.. ఆ స్టెప్నే ‘హల్లల్లో..’ పాట ఆఖరున డ్యాన్సర్లు వేస్తారు. కావాలంటే మరోసారి పాట చూడండి.
