ఆ స్కిట్ చూసినప్పుడే వేణు మీద గౌరవం పెరిగిపోయిందన్న చిరంజీవి..!

మెగాస్టార్ చిరంజీవి చిన్నా పెద్దా అనే తేడా లేకుండా సినిమా బాగుంటే ప్రత్యేకంగా ఆ సినిమా టీమ్‌ని పిలిపించుకుని మరీ ప్రశంసిస్తుంటారు.. అలాగే ఎవరు పిలిచినా ఆ సినిమా ఫంక్షన్‌కి ముఖ్య అతిథిగా వెళ్లి ఆశీస్సులందజేసి ఇండస్ట్రీకి పెద్ద దిక్కులా ఉంటారు.. తాజాగా చిరు ‘బలగం’ చిత్ర బృందాన్ని ‘భోళా శంకర్’ సెట్‌కి పిలిపించుకుని అభినందించారు.. చిరు ప్రశంసల జల్లుతో తడిసి ముద్దయ్యారు టీమ్.. ప్రముఖ నిర్మాత దిల్ రాజు ప్రమోట్ చేసే వరకు ‘బలగం’ సినిమా గురించి పెద్దగా ఎవరికీ తెలియదు..

ప్రోమోస్, సాంగ్స్ ఆకట్టుకోవడంతో ఈ చిన్న చిత్రాన్ని ఆయన విడుదల చేస్తున్నారేమో అనుకున్నారు.. ఈ సినిమా ఇంతలా జనాల్లోకి వెళ్లడానికి మెయిన్ రీజన్ ఆయనే.. అలాగే కమెడియన్‌గా అలరించిన ‘టిల్లు’ వేణు అలియాస్ వేణు ఎల్దండి ఈ చిత్రానికి దర్శకుడని కూడా చాలా మందికి తెలియదు.. ప్రీమియర్స్‌తోనే పాజిటివ్ టాక్ తెచ్చుకుంది.. ఇక థియేటర్లలోకి వచ్చిన తర్వాత రెస్పాన్స్ మామూలుగా లేదు.. ప్రియదర్శి, కావ్య కళ్యాణ్ రామ్ ప్రధాన పాత్రల్లో..

తెలంగాణ నేపథ్యం, పల్లెటూరి వాతవరణంలో సహజమైన పాత్రలతో.. మానవ సంబంధాలను మనసుల్ని కదిలించేలా చూపించి కంటతడి పెట్టించారు. ‘‘ఇది చిన్న సినిమా కాదు.. ప్రేక్షకులు మనసులు గెలిచిన సినిమా’’ అంటూ అందరూ ప్రశంసిస్తున్నారు.. వేణు లాంటి హాస్యనటుడు ఇలాంటి సున్నితమైన భావోద్వేగాలు కలిగిన కథను ఇంతలా హ్యాండిల్ చేస్తాడని ఎవరూ ఊహించలేదసలు.. ప్రస్తుతం రెండో వారంలో మరిన్ని ఎక్కువ థియేటర్లలో విజయవంతంగా ప్రదర్శింపబడుతోంది..

సినిమా చూసిన చిరు తాను నటిస్తున్న ‘భోళా శంకర్’ షూటింగ్ స్పాట్‌కి ‘బలగం’ టీంని ఆహ్వానించారు.. దర్శకుడు వేణుని, కావ్యతో సహా ఇతర యూనిట్ సభ్యులను అభినందించారు. తెలంగాణ సంసృతిని వంద శాతం చూపించిన నిజాయితీ గలిగిన సినిమా అని.. జబర్దస్త్‌లో తెలంగాణ ఒగ్గు కథలు, బుర్ర కథల వంటివి పెట్టి వేణు చేసిన స్కిట్ చూసినప్పుడే నిజంగా వేణులో ఇంత టాలెంట్ ఉందా అని తన మీద గౌరవం పెరిగిపోయిందంటూ చిరు చెప్పుకొచ్చారు.

Megastar @KChiruTweets appreciated #Balagam team.@OfflVenu @priyadarshi_i @KavyaKalyanram pic.twitter.com/loHtHFDhFl

— Suresh Kondi (@SureshKondi_) March 11, 2023

రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!

2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్