Chiru – Naveen: చిరంజీవి + చిరంజీవికి నచ్చిన హీరో.. ఈ కాంబినేషన్‌ సెట్‌ అయితేనా?

February 1, 2026 / 09:18 PM ISTByFilmy Focus Desk

Join Us

కొన్ని కాంబినేషన్ల గురించి చిన్నపాటి రూమర్‌ వచ్చినా, ఇలా జరిగితే బాగుండు అనే ఆలోచన వచ్చినా సూపర్‌ అనిపిస్తుంది. ఎందుకంటే ఆ కాంబినేషన్‌లో ఉన్న వాళ్ల టాలెంట్‌ అలాంటిది మరి. ఇప్పుడు అలాంటి ఓ కాంబినేషన్‌ మీద టాలీవుడ్‌లో పెద్ద ఎత్తున చర్చ జరుగుతోంది. దానికి కారణం ఇప్పుడు చిరంజీవితో సినిమా చేయబోతున్న దర్శకుడు కేఎస్ రవీంద్ర అలియాస్ బాబీ. ఇటీవల ఆయన ఓ సినిమా సక్సెస్‌ మీట్‌కి వచ్చి కొన్ని ఆసక్తికర వివరాలు చెప్పుకొచ్చారు. అప్పటి నుండి ఈ కాంబినేషన్‌ మీద చర్చ జరుగుతోంది.

Chiru – Naveen

తెలుగు సినిమాను బాగా ఫాలో అయ్యేవారికి మేం ఏ కాంబినేషన్‌ గురించి చెబుతున్నామో ఈజీగానే అర్థమై పోయుంటుంది. అవును చిరంజీవి – నవీన్‌ పొలిశెట్టి గురించే ఇదంతా. క్యారెక్టర్‌ ఆర్టిస్ట్‌గా చేస్తూ హీరోగా ఎదిగిన నవీన్‌ పొలిశెట్టి నుండి రీసెంట్‌గా వచ్చిన సినిమా ‘అనగనగా ఒక రాజు’. సంక్రాంతి సందర్భంగా విడుదలైన ఈ సినిమా సక్సెస్‌ సెలబ్రేషన్స్‌ రెండు వారాల తర్వాత జనవరి 30న జరిగాయి. ఈ క్రమంలో దర్శకుడు బాబీ మాట్లాడుతూ నేటి తరంలో హీరోల్లో నవీన్‌ పొలిశెట్టి అంటే తనకు ఇష్టమని చిరంజీవి ఓసారి చెప్పారని తెలిపారు.

ఆ మాటలు నవీన్ పొలిశెట్టికి ఎంత ఆనందాన్నిచ్చాయో తెలియదు కానీ.. చిరు ఫ్యాన్స్‌కి మాత్రం కొత్త ఆలోచనను క్రియేట్‌ చేశాయి. అదే చిరంజీవి + చిరంజీవికి నచ్చిన యువ హీరో. ఈ కాంబినేషన్‌లో ఓ సినిమా పడితే ఇద్దరి కామెడీ టైమింగ్‌ కలసి సినిమా మరో లెవల్‌లో ఉంటుంది అని అంచనా వేసేస్తున్నారు. ఎలాంటి కథను ఎవరు సిద్ధం చేస్తారో తెలియదు కానీ.. ఇద్దరూ కలసి వెండితెర వెలిగిపోవడం ఖాయం అనే మాట వినిపిస్తోంది. మరి ఈ విషయం చిరంజీవి వరకు వెళ్లి నేటి తరం దర్శక రచయితలు ఇలాంటి ఓ కథ రాస్తే బాగుండు. చూద్దాం ఈ మధ్య చిరంజీవి కూడా ఇలా ఇద్దరు హీరోల సినిమాలకు ఓకే చెబుతున్నారు కూడా.