Telugu Indian Idol: ‘ఆహా’ వారి ‘తెలుగు ఇండియన్ ఐడల్’ ఫినాలే ప్రోమో వచ్చేసింది..!

June 13, 2022 / 12:53 PM IST

తెలుగు ప్రేక్షకులకు బాగా దగ్గరైన ‘ఇండియన్ ఐడల్’ తెలుగు ఫినాలేకి చేరుకున్న సంగతి తెలిసిందే. ఆ ఎపిసోడ్ కు సంబంధించిన షూటింగ్ కూడా జరిగింది. జూన్ 17 నుంచి ఈ ఎపిసోడ్ ‘ఆహా’ లో స్ట్రీమింగ్ కానుంది. అందుకు సంబంధించిన ప్రోమోని తాజాగా విడుదల చేశారు.వాగ్దేవి, వైష్ణవి, ప్రణతి, జయంత్, శ్రీనివాస్… వీళ్ళలో మొదటి తెలుగు ఇండియన్ ఐడల్ టైటిల్ విజేత ఎవరు అనేది తెలియాల్సి ఉంది.

ఇక ఫినాలే ఎపిసోడ్ కు మెగాస్టార్ చిరంజీవి గెస్ట్ గా హాజరయ్యి విన్నర్ ను అనౌన్స్ చేసినట్టు కూడా ఇందులో చూపించారు. అలాగే ‘విరాటపర్వం’ ప్రమోషన్లలో భాగంగా రానా, సాయి పల్లవి కూడా ఈ ఎపిసోడ్లో పాల్గొన్నారు. ఇక ప్రోమో విషయానికి వస్తే :

‘బాక్సాఫీస్ కి ‘ఘరానా మొగుడు’
తెలుగు సినిమాకి ‘ఇంద్ర’ సేనుడు
అన్నయ్య మెగాస్టార్ చిరంజీవి గారికి వెల్కమ్’ అంటూ చిరుకి వెల్కమ్ చెప్పారు హోస్ట్ శ్రీరామ్ చంద్ర.

‘తెలుగు ఇండియన్ ఐడల్ ప్రోగ్రాం కి ఒక అభిమానిగా వచ్చాను ఇది వాత్సవం’ అంటూ చిరు రాగానే ఓ హై ఇచ్చారు.

కంటెస్టెంట్ శ్రీనివాస్ పై.. ‘పాట పాడమంటే అమ్మాయిల మనసు దోచుకోవడం కూడా కూడా జరుగుతుందా’ అంటూ ఫన్నీ కామెంట్స్ చేశారు చిరు.

‘స్నేహ ఎక్కడ పైకి వెళ్ళు.. ఈ ఎపిసోడ్ కి నేనే డైరెక్టర్ ని.. వాళ్ళు ఆశ్చర్యపోతారు… ‘ఏంటి? ఇండియన్ ఐడల్ మన చెయ్యి దాటి చిరంజీవి చేతికి వెళ్ళిపోతుంది’ అనుకుంటారు’ అంటూ చిరు ఫన్నీ కామెంట్స్ చేసి నవ్వులు పూయించారు.

జూనియర్ పూజా హెగ్డే గా పేరొందిన వాగ్దేవి తో కలిసి చిరు .. ‘ఉ అంటావా మావ ఉఊ అంటావా’ పాట పాడి అందరిలో మరింత జోష్ ను నింపారు.

పనిలో పనిగా హీరోయిన్ సాయి పల్లవి ఎదురుగా హీరో రానా పై కూడా సెటైర్ వేసి నవ్వించారు చిరు.

మొత్తంగా ఫినాలే ఎపిసోడ్ అదిరిపోతుంది అనడానికి ఈ ప్రోమోతో సంకేతాలు ఇచ్చారు. నిజంగా ఫినాలే ఎపిసోడ్ కోసం ఆసక్తిగా ఎదురుచూసేలా ఈ ప్రోమో చేస్తుంది అని చెప్పాలి. మీరు కూడా ఓ లుక్కేయండి :