చిరంజీవి హీరోగా మెహర్ రమేష్ డైరెక్షన్ లో ఒక సినిమా తెరకెక్కనున్న సంగతి తెలిసిందే. తమిళంలో బ్లాక్ బస్టర్ హిట్ గా నిలిచిన వేదాళం సినిమాకు రీమేక్ గా ఈ సినిమా తెరకెక్కుతోంది. ప్రస్తుతం లూసిఫర్ రీమేక్ గాడ్ ఫాదర్ తో బిజీగా ఉన్న చిరంజీవి ఈ నెల 11వ తేదీన భోళాశంకర్ సినిమాను లాంఛనంగా మొదలుపెట్టనున్నారు. ఈ నెల 15వ తేదీ నుంచి ఈ సినిమా రెగ్యులర్ షూటింగ్ మొదలు కానుంది.
అయితే పెద్దన్న సినిమా ఫలితం చిరంజీవిని కంగారు పెట్టిందని సమాచారం. పెద్దన్న సినిమాలో రజినీకాంత్ కీర్తి సురేష్ అన్నాచెల్లెళ్లుగా నటించగా బాక్సాఫీస్ వద్ద ఈ సినిమా ఫ్లాప్ గా నిలిచింది. అన్నాచెల్లెళ్ల కాన్సెప్ట్ తో భోళా శంకర్ మూవీ తెరకెక్కుతుండగా భోళా శంకర్ కథ విషయంలో చిరంజీవి టెన్షన్ పడుతున్నారని సమాచారం. పెద్దన్న ప్రభావం భోళా శంకర్ మూవీపై పడుతుందని చిరంజీవి భావిస్తున్నారని తెలుస్తోంది. వేదాళం మూవీలో అజిత్, లక్ష్మీమీనన్ కలిసి నటించగా ఆ సినిమా బాక్సాఫీస్ వద్ద సక్సెస్ సాధించింది.
అయితే ఈ కథను మళ్లీ రీమేక్ చేస్తే ప్రేక్షకులు ఆదరిస్తారా? అని చిరంజీవి సందేహం వ్యక్తం చేస్తున్నారని తెలుస్తోంది. మరోవైపు మెహర్ రమేష్ ఈ సినిమాకు దర్శకత్వం వహిస్తుండటం గమనార్హం. వచ్చే ఏడాది సెకండాఫ్ లో ఈ సినిమా రిలీజ్ కానుంది. తక్కువ రోజుల్లోనే ఈ సినిమా షూటింగ్ పూర్తయ్యేలా మెహర్ రమేష్ ప్లాన్ చేశారని సమాచారం.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
