మెగాస్టార్ చిరంజీవి హీరోగా స్టార్ డైరెక్టర్ కొరటాల శివ డైరెక్షన్లో ఓ చిత్రం రూపొందనున్న సంగతి తెలిసిందే. ‘సైరా’ చిత్రం పూర్తయిన వెంటనే ఈ చిత్రం ఉంటుందని రాంచరణ్ ఇది వరకే చెప్పిన సంగతి తెలిసిందే. నిజానికి ఉగాది కే ఈ చిత్రం షూటింగ్ మొదలవ్వాల్సి ఉంది. అయితే ‘సైరా’ చిత్రం లేట్ అవ్వడంతో ఈ ప్రాజెక్ట్ స్టార్ట్ అవ్వలేదు. ఇప్పుడు దాదాపు ‘సైరా’ చిత్రం పూర్తి కావచ్చింది. అయితే చిరు, కొరటాల శివ ప్రాజెక్ట్ కి మరో సమస్య వచ్చి పడిందట. వివరాల్లోకి వెళితే ఈ చిత్రం కథ చాలా వరకూ మహేష్ బాబు రీసెంట్ సూపర్ హిట్ ‘మహర్షి’ లానే ఉందట.
కొరటాల, చిరు చిత్రంలో కూడా హీరో ‘ఎన్.ఆర్.ఐ’ గా అలాగే రైతుగా కనిపిస్తాడట. కొన్ని కీలక పరిస్థితుల్లో హీరో విదేశాల నుండీ ఇండియాకి వస్తాడట. సో చాలా వరకూ ‘మహర్షి’ ఛాయలే కనిపిస్తున్నాయి. ఇందుకోసమే కథలో కొన్ని మార్పులు చేయమని చిరు… కొరటాలకి చెప్పారట. దీంతో కొరటాల కూడా ఇప్పుడు అదే పనిలో ఉన్నట్టు సమాచారం. అన్నీ అనుకున్నట్టు అయితే.. ఆగష్టు 22 న చిరంజీవి పుట్టినరోజున ఈ చిత్రం ప్రారంభమవ్వనుందని సమాచారం.
Home