ఒక నిర్మాణ సంస్థ పడకూడని ఇబ్బందులు అన్నీ స్వల్ప కాల వ్యవధిలోనే పడింది కేవీఎన్ ప్రొడక్షన్స్. ఆ నిర్మాణ సంస్థ చాలా కాలం తర్వాత సినిమా నిర్మాణంలోకి వచ్చి భారీ స్థాయిలో సినిమాలను అనౌన్స్ చేస్తూ వచ్చింది. ఈ క్రమంలో ఒక్కో సినిమాను పూర్తి చేసుకుంటూ వచ్చింది. సరిగ్గా అప్పుడే ‘జన నాయగన్’ సినిమా రూపంలో పెద్ద షాక్ తగిలింది. ఆ తర్వాత ఏం జరిగిందో అందరికీ తెలిసిందే. అయితే ఇప్పుడు ఆ బ్యానర్కి గుడ్ డేస్ స్టార్ట్ అయ్యాయని చెప్పొచ్చు.
అందుకేనేమో తమ కొత్త సినిమాను స్టార్ట్ చేయడానికి ముహూర్తం ఫిక్స్ చేశారు. అవును చిరంజీవి కొత్త సినిమా పనులు త్వరలో షురూ కాబోతున్నారు. ఈ సంక్రాంతికి ‘మన శంకర వరప్రసాద్ గారు’ సినిమాతో విజయాన్ని అందుకున్న చిరంజీవి తన 158వ సినిమాకి చాలా రోజుల క్రితమే ఓకే చెప్పారు. ఆ సినిమాకు బాబీ దర్శకత్వం వహించనున్నారు. ‘వాల్తేరు వీరయ్య’ సినిమా తర్వాత వీళ్లిద్దరి కలయికలో రూపొందనున్న చిత్రమిది. కేవీఎన్ ప్రొడక్షన్స్ పతాకంపై వెంకట్ కె.నారాయణ నిర్మిస్తున్నారు.
ఈ నెల 21న సినిమాను పూజా కార్యక్రమాలతో ప్రారంభించనున్నారు. సినిమాలో కొత్త లుక్ కోసం ఆయన పడుతున్న కష్టాన్ని, శరీరాకృతిని మార్చుకునేందుకు చేస్తున్న కసరత్తుల్ని ఆ వీడియోలో చూపించారు. అలాగే సినిమాను 21న పూజా కార్యక్రమాలతో లాంఛనంగా ప్రారంభిస్తామని చెప్పారు. ఇందులో చిరంజీవి రెండు కోణాల్లో సాగే పాత్రలో కనిపిస్తారని టాక్. ఈ నెలాఖరు నుండే సినిమా రెగ్యులర్ షూట్ ప్రారంభిస్తారని సమాచారం. వచ్చే ఏడాది సంక్రాంతికి సినిమాను రిలీజ్ చేయాలని ప్లాన్ చేస్తున్నారు.
ప్రొడక్షన్ హౌస్ కష్టాల సంగతి చూస్తే.. ‘జన నాయగన్’ రిలీజ్ నిరవదిక వాయిదా పడిన కష్టంలో ఉన్న ప్రొడక్షన్ హౌస్కి ‘కేడీ: ది డెవిల్’ సినిమా హిందీ వెర్షన్లోని ‘సర్కే చునార్..’ పాట కాంట్రవర్శీ ఇంకా ఇబ్బంది పెట్టింది. ఆ తర్వాత ‘జన నాయగన్’ సినిమాకు పైరసీ దెబ్బ పడింది. ఇవన్నీ ఒక్కోటి కోలుకునే పరిస్థితి వచ్చింది. విజయ్ ఇప్పుడు తమిళనాడు సీఎం కావడంతో ‘జన నాయగన్’ సినిమా విడుదలను ఆపే పరిస్థితి ఎవరూ తీసుకోలేరు అని చెప్పొచ్చు.
https://www.youtube.com/watch?v=E1ZT4StDFZM
