టాలీవుడ్ మ్యూజిక్ డైరెక్టర్స్ లో తమన్ రూటే సేపరేటు, ఎందుకంటే సహజంగా కొత్త మ్యూజిక్ డైరెక్టర్స్ కు అవకాశాలు రావడం చాలా కష్టం. అదీ ఇప్పుడున్న కాంపిటేషన్ ప్రపంచంలో ఇంకా కష్టం, ఎందుకంటే సినిమా దర్శకులే మ్యూజిక్ ను సైతం అందిస్తున్న జెనరేషన్ లో ఉన్నాం మనం. ఐతే అలాంటి తరుణంలో కూడా వరుసగా సినిమాలు చేస్తూ…ఎక్కడ గ్యాప్ లేకుండా స్పీడ్ గా 50సినిమాలు పూర్తి చేసుకున్న ఘనత మన తమన్ కే దక్కుతుంది.
ఇదిలా ఉంటే తాజాగా జరిగిన మెగా హీరో ఆడియో ప్రీ రిలీజ్ ఇవెంట్ లో తమన్ ను మెగాస్టార్ సైతం బంఫర్ ఆఫర్ ను ప్రకటించాడు. ఈ కుర్ర మ్యూజిక్ డైరెక్టర్ గురించి చిరు మాట్లాడుతూ…తమన్ ను ఆకాశానికి ఎత్తేశాడు. అయితే అదే క్రమంలో తమన్ ను పొగడ్తలతో ముంచెత్తిన చిరు… ఎస్ఎస్ థమన్ కి కొత్త అబ్రివేషన్ చెప్పారు చిరు. ‘ఎస్ ఎస్ థమన్ లో ఎస్ఎస్ ఏంటో నాకు తెలీదు. ఎప్పుడూ సిగ్గు పడుతూ ఉంటాడు. సూపర్ హిట్స్ ఇస్తూ ఉంటాడు. అందుకే సిగ్గు సూపర్ హిట్ థమన్ అనుకుంటున్నా అని తెలుపడమే కాకుండా….తాను 151వ సినిమా చేస్తే మాత్రం…దానికి సంబంధించిన మ్యూజిక్ ఇప్పటి నుంచే రెడీ చేస్కో. ట్యూన్స్ బాగుంటే నీకు నాకు అగ్రిమెంట్ అయిపోయినట్లే’ అంటూ ఆడియో ఫంక్షన్ సాక్షిగా మెగాస్టార్ చిరంజీవి ఈ కుర్ర మ్యూజిక్ మాంత్రికుడికి భరోసా ఇచ్చేశాడు.
ఇంతవరకూ బాగానే ఉంది కానీ….ట్యూన్స్ బాగుంటే అనే కండిషన్ ని మెగాస్టార్ సెట్ చేసిన విధానం చూస్తేనే ఏదో తెలియని సందేహం…చిరు నిజంగా అవకాశం ఇస్తాడో…లేకపోతే ఏదో సభాముఖంగా అలా చెప్పాలి కాబట్టి చెప్పాడో అని. చూడాలి మరి ఏం జరుగుతుందో.
Home