సీనియర్ నిర్మాత ఎన్నో గొప్ప చిత్రాలు నిర్మించిన క్రియేటివ్ కమర్షియల్స్ అధినేత కే ఎస్ రామారావు హీరో విజయ్ దేవరకొండ గురించి ఆసక్తికర వ్యాఖ్యలు చేశారు. ఆయన ప్రత్యేకమైన నటుడంటూ పొగడ్తల వర్షం కురిపించారు. ఆయన నిర్మాతగా దర్శకుడు క్రాంతి మాధవ్ దర్శకత్వంలో తెరకెక్కుతున్న వరల్డ్ ఫేమస్ లవర్ వచ్చే నెల 14న విడుదల కానుంది. దీనితో కే ఎస్ రామారావు మీడియా సమావేశంలో పాల్గొన్నారు. ఈ సందర్భంగా విజయ్ మిమ్మల్ని ఎలా ఆకర్షించారు అని అడుగగా, పెళ్లి చూపులు చిత్రం చూసినప్పుడే తను ప్రత్యేకమైన నటుడన్న విషయం అర్థం అయ్యింది. కొందరిలో విలక్షణత, నటనలో ప్రత్యేకమైన శైలి ఉంటాయి. టాలీవుడ్ లో ఉన్న అలాంటి నటులలో విజయ్ దేవరకొండ ఒకరు అని చెప్పారు.
ఇక టాలీవుడ్ లో అలాంటి ప్రత్యేకత ఉన్న మరో నటుడు రవి తేజ అని చెప్పడం విశేషం. కన్నడలో ఉపేంద్ర కూడా ఇలాగే కొన్ని ప్రత్యేక లక్షణాలు కలిగిన నటుడని ఆయన చెప్పుకొచ్చారు. టాలీవుడ్ లో స్టార్ హీరోలుగా వెలుగొందుతున్న బడా హీరోలను వదిలేసి విజయ్ దేవరకొండ పేరు చెప్పడం ప్రధాన్యత సంతరించుకుంది. దశాబ్దాల చరిత్ర కలిగిన క్రియేటివ్ కమర్షియల్స్ మొదటి చిత్రంగా 1983లో చిరంజీవి హీరోగా అభిలాష నిర్మించారు. ఏ కోదండరామిరెడ్డి దర్శకత్వంలో వచ్చిన ఆ చిత్రం విజయం సాధించడంతో ఇదే కాంబినేషన్ లో వరుసగా నాలుగు చిత్రాలు వచ్చాయి. చంటి, మాతృదేవోభవ, క్రిమినల్ వంటి చిత్రాలు ఈ బ్యానర్ లో తెరకెక్కినవే.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
