Acharya movie: ఆచార్యలో కీలక మార్పులు.. అతని కోసమే..?

వరుసగా నాలుగు ఘనవిజయాలను సొంతం చేసుకున్న కొరటాల శివ ఐదో సినిమాగా ఆచార్య సినిమాను తెరకెక్కిస్తున్న సంగతి తెలిసిందే. భారీ అంచనాలతో, భారీ బడ్జెట్ తో ఆచార్య సినిమా తెరకెక్కుతుండగా ఈ సినిమాలో చరణ్ పోషిస్తున్న సిద్ధా పాత్ర క్లైమాక్స్ లో చనిపోతుందని ఒక వార్త సోషల్ మీడియాలో తెగ వైరల్ అవుతోంది. అయితే తాజాగా తెలుస్తున్న సమాచారం ప్రకారం చరణ్ చనిపోయే సన్నివేశాన్ని సినిమాలో చూపించరని తెలుస్తోంది. చిరంజీవి నో చెప్పడంతో కొరటాల శివ ఆ సీన్ ను చూపించే విషయంలో వెనక్కు తగ్గారని వైరల్ అవుతున్న వార్త సారాంశం.

మొదట కొరటాల శివ చిరంజీవి చేతిలో చరణ్ చనిపోయే విధంగా కథను రాశారని కానీ చిరంజీవికి నచ్చకపోవడంతో కొరటాల శివ స్క్రిప్ట్ లో మార్పులు చేశారని సమాచారం. మరోవైపు పదిరోజుల షూటింగ్ బ్యాలెన్స్ ఉన్న ఈ సినిమా ఆగష్టులో రిలీజయ్యే అవకాశాలు ఉన్నాయి. నక్సలిజం బ్యాక్ డ్రాప్ తో ఆచార్య సినిమా తెరకెక్కుతుండగా రోజులు గడిచే కొద్దీ ఈ మూవీపై అంచనాలు అంతకంతకూ పెరుగుతున్నాయి. ఎప్పుడు రిలీజైనా ఆచార్య సినిమా కొత్త రికార్డులు క్రియేట్ చేయడం ఖాయమని ఇండస్ట్రీలో వినిపిస్తోంది.

రీఎంట్రీలో చిరంజీవి నటించిన సినిమాల్లో బిగ్గెస్ట్ బ్లాక్ బస్టర్ సినిమా ఆచార్య అనే కామెంట్లు వ్యక్తమవుతున్నాయి. మరి ఆచార్య సినిమా ఏ రేంజ్ బ్లాక్ బస్టర్ హిట్ అవుతుందో తెలియాలంటే కొన్ని రోజులు ఆగాల్సిందే. 100 కోట్లకు పైగా భారీ బడ్జెట్ తో ఈ సినిమా తెరకెక్కినట్టు తెలుస్తోంది.

Most Recommended Video

10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!