కన్నడ సినీ నటుడు చిరంజీవి సర్జా ఇండస్ట్రీలో అగ్ర హీరోగా కొనసాగుతున్న సమయంలోనే ఈయన నటి మేఘన రాజ్ ను ప్రేమించి పెళ్లి చేసుకున్నారు. 2018లో ఎంతో ఘనంగా వీరి వివాహం జరగగా 2020 జూన్ నెలలో ఈయన గుండెపోటుతో ఆకస్మికంగా మరణించడంతో ఒక్కసారిగా అభిమానులు ఎంతో షాక్ కి గురయ్యారు. ఇకపోతే తన భర్త మరణించే సమయానికి ఈమె గర్భిణీ కావడం అందరిని మరింతగా కృంగదీసింది.
ఇకపోతే భర్త మరణించిన తర్వాత తన భర్తను తన కొడుకులో చూసుకుంటూ తానే ప్రాణంగా బ్రతుకుతున్న ఈమె ఇప్పుడిప్పుడే ఆ బాధ నుంచి బయటపడి తెలుగు సినిమాలలో నటించడమే కాకుండా ఎన్నో కార్యక్రమాలకు న్యాయ నిర్ణయతగా వ్యవహరిస్తూ బిజీగా గడుపుతున్నారు. ఇలా ఇప్పుడిప్పుడే తిరిగి తన కెరీర్ ను ప్రారంభించిన మేఘన రాజ్ గురించి గత కొద్దిరోజులుగా పెద్ద ఎత్తున రెండో పెళ్లి వార్తలు వస్తున్నాయి. ఈమె రెండో పెళ్లి చేసుకోబోతుంది అంటూ వార్తలు రావడంతో ఈ వార్తలపై స్పందించి ఈమె క్లారిటీ ఇచ్చారు.
ఇదిలా ఉండగా తాజాగా మేఘన రాజ్ సోషల్ మీడియా వేదికగా తన భర్త చిరంజీవి అలాగే కొడుకు రాయాన్ రాజ్ పేర్లను తన చేతి పై టాటూగా వేయించుకొని ఫరెవర్ అంటూ ఆ ఫోటోలను సోషల్ మీడియాలో షేర్ చేశారు.వెరైటీగా తన కొడుకు భర్త పేరు వచ్చేలా టాటూ వేయించుకున్న ఈమె వారు అంటే తనకు ఎంత ప్రేమ ఉందో చెప్పకనే చెప్పేశారు.
ఈ విధంగా తన భర్త పై ఇంకా తనకు అమితమైన ప్రేమ ఉందని అయితే తన రెండో పెళ్లి గురించి వచ్చే వార్తలన్నీ పూర్తిగా ఆ వాస్తవమైనవని ఈ సందర్భంగా ఈమె ఈ ఒక్క టాటూతో క్లారిటీ ఇచ్చారు. ప్రస్తుతం ఈమె లాస్‌వెగాస్‌లో నివసిస్తున్నారు.ఇక ఈమె షేర్ చేసిన ఈ ఫోటోలు ప్రస్తుతం సోషల్ మీడియాలో వైరల్ కావడంతో ఎంతో మంది చిరంజీవి సర్జా అభిమానులు సంతోషం వ్యక్తం చేస్తున్నారు.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
