కొన్ని దశాబ్దాల కాలంగా టాలీవుడ్ ఇండస్ట్రీలో స్టార్ కొనసాగుతున్న చిరంజీవి కొంతకాలం సినిమాలకు దూరమై మళ్లీ రీ ఎంట్రీ ఇచ్చాడు. ఇండస్ట్రీలో చిరంజీవి వరుస సినిమాలతో బిజీగా ఉంటూ కుర్ర హీరోలకు పోటీగా నిలుస్తున్నాడు. ఇక ఇటీవల చిరంజీవి నటించిన “గాడ్ ఫాదర్” సినిమా విడుదలై మంచి విజయం అందుకుంది. మలయాళంలో సూపర్ హిట్ గా నిలిచిన ‘లూసిఫర్’ సినిమాని తెలుగులో ‘గాడ్ ఫాదర్’ రీమేక్ చేశారు. మోహన రాజా దర్శకత్వంలో రూపొందిన ఈ చిత్రంలో బాలీవుడ్ హీరో సల్మాన్ ఖాన్ కూడా నటించాడు.
ఇటీవల విడుదలయిన ఈ సినిమా ప్రేక్షకులను బాగా ఆకట్టుకొని బాక్సాఫీస్ వద్ద భారీ స్థాయిలో వసూలు సొంతం చేసుకుంది. పొలిటికల్ అండ్ యాక్షన్ ఎంటర్టైనర్ గా తెరకెక్కిన ఈ సినిమాలో చిరు నటనకు విమర్శకుల ప్రశంసలు సైతం దక్కాయి. ఈ సినిమా ఘన విజయం సాధించిన సందర్భంగా ఇటీవల ఫిల్మ్ క్రిటిక్స్ అసోషియేషన్ సభ్యులు చిరంజీవిని కలిసి ఆయనకి అభినందనలు తెలియచేశారు. ఈ సందర్భంగా మీడియాతో ముచ్చటించిన చిరంజీవి గాడ్ ఫాదర్ సినిమా గురించి అనేక ఆసక్తికర విషయాలను వెల్లడించాడు.
ఈ క్రమంలో చిరంజీవి మాట్లాడుతూ మలయాళీ సినిమా అయిన లూసిఫర్ ని తెలుగు నేటివిటీకి తగ్గట్టు చాలా మార్పులు చేశామని,ఇలా మార్పులు చేయడం మంచిదయ్యిందని చెప్పుకొచ్చారు. ఇప్పటివరకు తాను నటించిన సూపర్ హిట్ సినిమాలలో గాడ్ ఫాదర్ సినిమా కూడా టాప్ ఫైవ్ సినిమాలలో ఒకటిగా ఉంటుందని మెగాస్టార్ ఈ సందర్భంగా చెప్పుకొచ్చాడు. ఆచార్య డిజాస్టర్ తర్వాత గాడ్ ఫాదర్ సినిమా చిరంజీవికి మంచి హిట్ ఇచ్చింది.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home