Chiranjeevi , Pawan Kalyan: చిరు మాటని పవన్ లెక్క చేస్తాడా..?

పవన్ కళ్యాణ్ (Pawan Kalyan).. షూటింగ్ కంప్లీట్ చేయాల్సిన సినిమాలు 3 ఉన్నాయి. అవి కంప్లీట్ చేయడం ఇప్పుడు పవన్ కి చాలా కష్టం. ఎందుకంటే ప్రస్తుతం.. ఆయన ఆంధ్రప్రదేశ్ డిప్యూటీ సీఎంగానే కాకుండా కీలక శాఖల్లో మంత్రిగా బాధ్యతలు స్వీకరించారు. వాటిని నిర్వర్తించడానికి ఆయన చాలా కష్టపడాల్సి ఉంది. ఎక్కువగా జనాల్లోనే ఉండాలి. అయినప్పటికీ.. తనతో సినిమాలు మొదలుపెట్టిన నిర్మాతల గురించి ఆలోచించాల్సిన బాధ్యత పవన్ పై ఉంది. అందుకోసం వారంలో 2 రోజులకు గాను 3 షిఫ్ట్..లు చొప్పున పనిచేసి ఆ సినిమాలు కంప్లీట్ చేయాలనే ఆలోచనలో పవన్ కళ్యాణ్ ఉన్నట్టు సమాచారం.

ఓజీ (OG Movie) ,హరిహర వీరమల్లు (Hari Hara Veera Mallu) ,ఉస్తాద్ భగత్ సింగ్ (Ustaad Bhagat Singh)  వంటి సినిమాలు కంప్లీట్ చేసి సినిమాలకు గుడ్ బై చెప్పాలనే ఆలోచనలో పవన్ ఉన్నారు. అయితే పవన్ కళ్యాణ్ పెద్దన్నయ్య.. చిరంజీవి (Chiranjeevi) మాత్రం పవన్ ను సినిమాలు మానొద్దని చెబుతున్నారట. ‘2 పడవల ప్రయాణం అనేది ఎవరికైనా కష్టం అవుతుందేమో కానీ.. నీకు కాదు’ అంటూ ఆయన పవన్ లో ఉత్సాహం నింపుతున్నారట.

అవసరమైతే చార్టెడ్ ఫ్లైట్ లో షూటింగ్లకి వెళ్లే విధంగా తన సాయాన్ని అందిస్తానని చిరు.. పవన్ కి చెప్పారట. కానీ పవన్ మాత్రం సింపుల్ గా ‘చూద్దాం..’ అని ఓ నవ్వు నవ్వేసి ఊరుకున్నట్టు ఇన్సైడ్ టాక్. వీలు చూసుకుని సినిమాలు కూడా పవన్ చేస్తానంటే అభిమానులకి అంతకంటే కావాల్సింది ఏముంటుంది. మరి పవన్ ఆలోచన ఎలా ఉందో చూడాలి.