Chiranjeevi vs Jr NTR: మెగా vs నందమూరి.. 2002 సీన్ రిపీట్!

మెగాస్టార్ చిరంజీవి (Chiranjeevi) 157వ చిత్రంగా అనిల్ రావిపూడి (Anil Ravipudi) దర్శకత్వంలో ఓ ఎంటర్‌టైనర్ సిద్ధం చేస్తున్న విషయం తెలిసిందే. ఇటీవలే ఈ సినిమా 2026 సంక్రాంతికి విడుదల అవుతుందని అధికారికంగా ప్రకటించారు. ఫ్యామిలీ, కామెడీ, యాక్షన్ ఎలిమెంట్స్‌తో మాస్, ఫ్యామిలీ ఆడియెన్స్‌ను టార్గెట్ చేస్తూ ఈ సినిమాను తెరకెక్కిస్తున్నారు. సంక్రాంతి సీజన్‌ను టార్గెట్ చేయడం అనిల్ రావిపూడికి సరికొత్త విషయం కాదు. ఇప్పుడు మెగాస్టార్ కూడా అదే ట్రాక్ ఫాలో అవుతున్నారు.

Chiranjeevi vs Jr NTR

ఇదే సమయంలో యంగ్ టైగర్ ఎన్టీఆర్ (Jr NTR) ప్రధాన పాత్రలో ప్రశాంత్ నీల్ (Prashanth Neel) దర్శకత్వంలో తెరకెక్కుతున్న భారీ యాక్షన్ ఎంటర్‌టైనర్ ‘డ్రాగన్’ కూడా సంక్రాంతికే రిలీజ్ కానుంది. ఇప్పటికే ఈ సినిమా జనవరిలో విడుదల అవుతుందని నిర్మాతలు ప్రకటించారు. దీంతో సంక్రాంతి బరిలో మెగాస్టార్ వర్సెస్ యంగ్ టైగర్ వార్ మొదలైంది. ప్రేక్షకుల్లోనూ ఈ క్లాష్ మీద భారీ ఆసక్తి నెలకొంది. ఇలాంటి పరిణామాలు గతంలోనూ జరిగాయి. 2002 సంక్రాంతికి చిరంజీవి  ‘ఇంద్ర’ (Indra), ఎన్టీఆర్ ‘అల్లరి రాముడు’ సినిమాలు బరిలోకి దిగాయి.

బి.గోపాల్ (B. Gopal) దర్శకత్వంలో వచ్చిన ఈ రెండు చిత్రాల్లో ‘ఇంద్ర’ బ్లాక్‌బస్టర్ హిట్‌గా నిలిచినప్పటికీ, ‘అల్లరి రాముడు’ (Allari Ramudu) మాత్రం అంతగా రాణించలేదు. ఆ సీజన్ మొత్తాన్ని చిరంజీవి డామినేట్ చేశారు. అయితే ఇప్పుడు పరిస్థితులు మారాయి. ఈసారి ఎన్టీఆర్ పాన్ ఇండియా ఇమేజ్‌ను సంపాదించుకున్నారు. ‘ఆర్ ఆర్ ఆర్’ (RRR) వంటి బ్లాక్‌బస్టర్ తర్వాత ఆయన సినిమాలపై అంచనాలు అంతకుమించినవి. మరోవైపు చిరంజీవి ప్రస్తుతం రీజనల్ మార్కెట్‌లో సూపర్ క్రేజ్ కొనసాగిస్తున్నా, పాన్ ఇండియా హవా తగ్గిపోకముందే మరో మాస్ ఎంటర్‌టైనర్‌తో వస్తున్నారు.

ఈ నేపథ్యంతో 2026 సంక్రాంతి బరిలో ఎవరు గెలుస్తారో చూడాల్సి ఉంది. బాక్సాఫీస్ వద్ద ఈసారి గట్టి పోటీ ఉండబోతోంది. స్టార్స్ మద్య ఈ రకమైన వార్ అభిమానులకు కూడా ఒక పెద్ద ఉత్సవంలా మారే అవకాశం ఉంది. ఎవరికి ఏ హిట్ పడుతుందన్నది మూవీ క్వాలిటీ, కంటెంట్ మీదే ఆధారపడి ఉంటుంది. మరి ఈసారి మెగాస్టార్ గెలుస్తారా లేక యంగ్ టైగర్ సెన్సేషన్ క్రియేట్ చేస్తారా అనేది వేచి చూడాలి.