‘సరైనోడు’ ఆడియో సక్సెస్ సెలబ్రేషన్స్ వైజాగ్ లో చాలా గ్రాండ్ గా నిర్వహించారు. ఈ కార్యక్రమానికి ముఖ్య అతిథిగా విచ్చేసిన మెగాస్టార్ చిరంజీవి తనకు వైజాగ్ లో చిన్న స్థలాన్ని చూడమని అభిమానులను రిక్వెస్ట్ చేసుకున్నారు. చిరంజీవికి విశాఖపట్టణం నగరమంటే చాలా ఇష్టమట. నిన్న ఫంక్షన్ కి వచ్చిన ఆయన నాకు సినిమాల పరంగా, రాజకీయాల పరంగా మంచి అనుబంధం ఉన్న నగరం వైజాగ్ అని.. చాలెంజ్, అభిలాష, చంటబ్బాయ్, ఘరానా మొగుడు సహా చాలా సినిమాలు వైజాగ్ లోనే చేశానని గుర్తు చేసుకున్నారు. అంతేకాదు తనకు వైజాగ్ లో సెటిల్ అయిపోవాలని ఉందట. దానికి కోసం ఇల్లు కట్టించుకోవడానికి అభిమానులను చిన్న స్థలం చూడమని కోరారు చిరంజీవి. చిరు వైజాగ్ లో సెటిల్ అవుదామనుకుంటున్నారని తెలిసిన అభిమానులు తెగ సంబరపడిపోయారు.
