చిరుతో చిత్ర యూనిట్ ఇబ్బందులు…

మెగా అభిమానులు ఎప్పుడెప్పుడా అని ఆశగా ఎదురు చూస్తున్న మెగా స్టార్ చిరంజీవి 150 సినిమాపై నీలి నీడలు కమ్ముకున్నాయా? అసలు టాలీవుడ్ లో ఏం జరుగుతుంది?? వివరాల్లోకి వెళితే…మెగాస్టార్ చిరంజీవి నటించబోతున్న అప్ కమింగ్ ఫిల్మ్, 150వ చిత్రానికి సంభంధించిన న్యూస్ పై మెగా అభిమానులు చాలా ఆసక్తిగా ఎదురు చూస్తున్నారు. టాలీవుడ్ డాషింగ్ వివి వినాయక్ దర్శకత్వంలో చిరంజీవి నటించబోయే ఈ 150 సినిమా గతనెల 29నే పూజాకార్యక్రమాలు జరుపుకుని అభిమానులకు ఆనందాన్ని పంచింది. ఇదిలా ఉంటే దాదాపుగా పూజా కార్యక్రమాలు జరిగి రెండు వారాలకు పైనే అవుతున్నా… ఈ సినిమా ఇంకా సెట్స్ పైకి వెళ్లలేదు.

అంతే కాకుండా ఇప్పటికే అనుకున్న షూటింగ్ షెడ్యూల్స్ అన్నీ పోస్ట్ పోన్ అయి, మళ్ళీ మరోసారి ఇది పోస్ట్ పోన్ కావటంతో చిత్రయూనిట్ అంతా కొంత నిరుత్సాహంలో ఉన్నారంట. స్క్రిప్ట్ కి సంబంధించిన అన్ని పనులు పూర్తవ్వటమే కాకుండా, పోస్ట్ ప్రొడక్షన్ లో ఎటువంటి ఎఫెక్ట్స్ ఉపయోగిస్తే బాగుంటుంది వంటి వాటిపై చిత్ర యూనిట్ లో చర్చలు జరుగుతున్నాయి. ఇంతకీ ఈ ఆలస్యానికి కారణం ఏంటి అంటే….వీరికున్న ఖాళీ సమయమే అని టాలీవుడ్ లో వినిపిస్తునం టాక్. చిరు తరుచూ వినాయక్ వేసిన షూటింగ్ షెడ్యూల్స్ ని మారుస్తూ ఉండటంతో.. చిత్ర యూనిట్ లో ఈ మూవీ ఎప్పుడు స్టార్ట్ అవుతుందో అస్సలు క్లారిటీ లేకుండా పోయింది. అందుకే తాజాగా మారిన షెడ్యూల్ కారణంగా చిత్ర యూనిట్ లోని సగం మంది…ఈ మూవీకి సంబంధించిన విషయాలపైనే పూర్తి శ్రద్ధ చూపించటం లేదని అంటున్నారు. ఏది ఏమైనా…రెండేళ్ల నుంచి నానుస్తూ వస్తున్న ఈ సినిమాపై అభిమానులకు ఆసక్తి తగ్గే లోపే పూర్తి చేస్తే మంచిది అని ఇండస్ట్రీ వర్గాల భావన.