Chiranjeevi: మెగాస్టార్ ‘గాడ్ ఫాదర్’ ముందే రాబోతుందా..?

April 6, 2022 / 02:53 PM ISTByFilmy Focus

Join Us

Chiranjeevi: మెగాస్టార్ ‘గాడ్ ఫాదర్’ ముందే రాబోతుందా..?

మెగాస్టార్ చిరంజీవి నటించిన ‘ఆచార్య’ సినిమా ఏప్రిల్ 29న ప్రేక్షకుల ముందుకు రానుంది. ఈ సినిమా విడుదలైన మరో మూడు నెలల్లోనే చిరంజీవి నుంచి మరో సినిమా రాబోతుందని సమాచారం. ‘ఆచార్య’ సినిమా షూటింగ్ పూర్తి చేసిన చిరంజీవి.. ప్రస్తుతం ‘గాడ్ ఫాదర్’ సినిమాలో నటిస్తున్నారు. మలయాళంలో తెరకెక్కిన ‘లూసిఫర్’ సినిమాకి రీమేక్ గా దీన్ని తెరకెక్కిస్తున్నారు. తెలుగు వెర్షన్ ను మోహన్ రాజా డైరెక్ట్ చేస్తున్నారు. ఈ సినిమాలో నయనతార, సత్యదేవ్ లాంటి తారలు నటిస్తున్నారు.

ఈ సినిమా షూటింగ్ చివరిదశకు చేరుకుంది. ఇప్పుడు ఈ సినిమాను ఆగస్టులో విడుదల చేయాలని సన్నాహాలు చేస్తున్నారట. ఆగస్టు 11న ‘గాడ్ ఫాదర్’ సినిమా ప్రేక్షకుల ముందుకు రానుందని సమాచారం. ఇప్పటికే చిరంజీవి ఈ రిలీజ్ డేట్ కి గ్రీన్ సిగ్నల్ ఇచ్చారట. నిజానికి ఆగస్టు 11 తరువాత ఆ వారం లాంగ్ వీకెండ్ రావడంతో అదే బెస్ట్ డేట్ అని భావిస్తున్నారు. కొణిదెల సురేఖ సమర్పణలో ఆర్బీ చౌదరి, ఎన్వీ ప్రసాద్ ‘గాడ్ ఫాదర్’ సినిమాను నిర్మిస్తున్నారు.

ఈ సినిమాలో సల్మాన్ ఖాన్ కీలకపాత్రలో కనిపించనున్నారు. ప్రస్తుతం చిరంజీవి, సల్మాన్ ఖాన్ ల మీద ఓ సాంగ్ ను చిత్రీకరించనున్నారు. వారం రోజుల్లో ముంబైలో ఈ సాంగ్ షూటింగ్ జరగనుంది. ఇదిలా ఉండగా.. ఆగస్టు 12న సమంత నటిస్తోన్న ‘యశోద’ సినిమా విడుదలకు సిద్ధమవుతోంది. అదే సమయంలో అఖిల్ ‘ఏజెంట్’ సినిమా కూడా ఉంది. ఒకవేళ చిరంజీవి సినిమా గనుక వస్తే.. ఈ రెండు సినిమాల్లో ఒకటి వెనక్కి తగ్గే ఛాన్స్ ఉంది.