సౌత్ ఇండియన్ సూపర్ స్టార్ రజనీకాంత్, మెగాస్టార్ చిరంజీవి కలిసి నటిస్తే చూడాలని అభిమానులు ఎప్పటినుంచో ఎదురుచూసారు. చాలా మంది దర్శకులు ప్రయత్నించి ఫెయిల్ అయ్యారు. త్వరలో ఆ కాంబినేషన్ వెండి తెరపై మెరవనుంది. అందుకు శంకర్ రోబో 2 .0 మూవీ సాక్షం కానుంది. 360 కోట్ల భారీ బ‌డ్జెట్‌తో లైకా ప్రొడ‌క్ష‌న్స్ సంస్థ నిర్మిస్తోన్నఈ మూవీలో మెగాస్టార్ చిరంజీవి కీలక రోల్ పోషిస్తున్నట్లు సమాచారం. ఆరేళ్లక్రితం శంకర్ సృష్టించిన రోబోకి సీక్వెల్ గా వస్తున్న ఈ చిత్రంలో రజనీకాంత్ సైన్టిస్ట్ గా నటిస్తుండగా, ఆయనకు పోటీగా బాలీవుడ్ స్టార్ హీరో అక్ష‌య్‌కుమార్ విలనిజం చూపించనున్నారు.
రీసెంట్ గా విడుదల చేసిన ఈ చిత్రం ఫస్ట్ లుక్ అంచనాలను అమాంతం పెంచింది. దేశవ్యాప్తంగా ఆసక్తి కలిగిస్తున్న ఈ మూవీలో హీరో, విలన్ తో పాటు మరో కీలకమైన పాత్ర ఉంది. దానికి స్టార్ హీరో అయితే బాగుంటుందని భావించిన శంకర్ కి చిరు గుర్తొచ్చారు. గతంలో రోబో ఆడియో వేడుకలో “మీ సినిమాలో చిన్న పాత్ర అయిన చేస్తాన”ని చిరంజీవి చెప్పారు. ఆ మాటను గౌరవించి డైరక్టర్, మెగాస్టార్ ని అడిగారు. క్యారక్టర్ అతని ఇమేజ్ కి తగినట్లు ఉండడంతో చిరు సంతోషంగా ఒప్పుకున్నారని చిత్ర యూనిట్ సభ్యులు చెప్పారు. ఈ షూటింగ్ కోసం వచ్చేవారం ఆయన చెన్నై వెళ్లనున్నట్లు తెలిసింది. “ఐ” బ్యూటీ అమీ జాక్సన్ హీరోయిన్ గా నటిస్తున్న ఈ చిత్రానికి ఆస్కార్ అవార్డు గ్రహీత ఏ ఆర్ రెహమాన్ సంగీతాన్ని అందిస్తున్నారు.
Also, do SUBSCRIBE to our YouTube channel to get latest Tollywood updates.
