మిస్ వరల్డ్, మిస్ యూనివర్స్, మిస్ ఇండియాలు.. సినిమా పరిశ్రమలో రాణించడం కష్టం అంటూ ఉంటారు. మొత్తంగా బాలీవుడ్ని చూస్తే ముగ్గురో నలుగురో మాత్రమే సినిమాల్లో రాణించారు. మిగిలిన అందగత్తెలు ఒకట్రెండు, మహా అయితే నాలుగైదు సినిమాలు చేసి ఇండస్ట్రీ వదిలేశారు. ప్రతి ఒక్కరికీ ఒక్క కారణం ఉండొచ్చు. అయితే అందంగా ఉంటే మాత్రమే సినిమాల్లో రాణించలేరు. నటన, హావభావాలు, డ్యాన్స్ కూడా రావాలి అంటుంటారు. లాంటి పరిస్థితే ఎదురైంది మాజీ మిస్ వరల్డ్ ప్రియాంక చోప్రాకు.
2000వ సంవత్సరంలో ప్రియాంక చోప్రా మిస్ వరల్డ్ అయింది. అక్కడికి రెండేళ్లకే తమిళంలో విజయ్తో ‘తమిళన్’ అనే సినిమా చేసింది. 2003లో బాలీవుడ్లోకి వెళ్లింది. అక్కడ ఆమె చేసిన రెండో సినిమా ‘అందాజ్’ సెట్లో ఇబ్బందికర పరిణామం ఎదురైందట. తరచూ తన ‘సినిమా’ కష్టాలు చెప్పుకునే ప్రియాంక 23 ఏళ్ల క్రితం జరిగిన ఆ ఘటన గురించి ఇప్పుడు చెప్పింది. ఇండస్ట్రీకి వచ్చిన తొలినాళ్లలో డ్యాన్స్ విషయంలో చాలా ఇబ్బందిపడ్డాను అంటూ ‘అందాజ్’ గురించి చెప్పింది.
ఒకవైపు స్టెప్స్ వేస్తూ.. కళ్లతో ఎక్స్ప్రెషన్స్ ఇవ్వడం కష్టంగా అనిపించేది. ఒకేసారి ఇన్ని పనులు ఎలా అనే కంగారుగా ఉండేది. ఓసారి ‘అందాజ్’ సినిమా కోసం సౌతాఫ్రికాలో పాట చిత్రీకరణ సమయంలో కొరియోగ్రాఫర్ రాజు ఖాన్ నాపై అందరి ముందు అరిచారు. నా డ్యాన్స్పై అసహనం వ్యక్తం చేస్తూ మైక్ విసిరేసి అక్కడి నుండి వెళ్లిపోయారు అని చెప్పింది. అందంగా ఉంటే సరిపోదు.. నటిగా రాణించాలంటే డ్యాన్స్ కూడా రావాలి. వెళ్లి నేర్చుకుని రా అని కోపంగా అన్నారు.
ఆ మాటలతో ప్రియాంక పట్టుదలగా డ్యాన్స్ నేర్చుకుంది. రోజుకు ఆరు గంటల పాటు కత్రినా కైఫ్తో కలసి డ్యాన్స్ ప్రాక్టీస్ చేసిందట. ఇప్పుడు బాలీవుడ్లోని బెస్ట్ యాక్టర్, డ్యాన్సర్లలో ప్రియాంక ఒకరు. ‘అందాజ్’ తర్వాత ఆమె నుండి ఎన్నో బెస్ట్ డ్యాన్స్ నెంబర్లు వచ్చాయి. ఇప్పుడు చేస్తున్న రాజమౌళి – మహేష్బాబు ‘వారణాసి’ సినిమాలో కూడా ప్రియాంకకు ఓ మంచి డ్యాన్స్ నెంబర్ ఉందట..
