Choreographer Sekhar Master: సినీ పరిశ్రమలో విషాదం..కొరియోగ్రాఫర్ శేఖర్ మాస్టర్ తమ్ముడి మృతి.!

టాలీవుడ్ ఇండస్ట్రీలో టాప్ కొరియోగ్రాఫర్ ఎవరనే ప్రశ్నకు ఏ మాత్రం సందేహం అవసరం లేకుండా శేఖర్ మాస్టర్ పేరును సమాధానంగా చెప్పవచ్చు. ఎంతో కష్టపడి అంచెలంచెలుగా ఎదిగిన శేఖర్ మాస్టర్ ఇంట తాజాగా విషాదం చోటు చేసుకుంది. శేఖర్ మాస్టర్ తమ్ముడు ఆకస్మికంగా మృతి చెందగా తమ్ముడి మృతి గురించి శేఖర్ మాస్టర్ చేసిన పోస్ట్ ప్రస్తుతం సోషల్ మీడియా వేదికగా వైరల్ అవుతోంది.

తమ్ముడిని నేను చాలా మిస్ అవుతున్నానని ఎక్కడికి వెళ్లినా తమ్ముడి జ్ఞాపకాలే గుర్తుకు వస్తున్నాయని తమ్ముడు మా మధ్య లేడనే విషయాన్ని తలచుకుంటేనే బాధ వేస్తుందని ఈ నిజాన్ని నేనింకా జీర్ణించుకోలేకపోతున్నానని ఆయన కామెంట్లు చేశారు. నీ లోటును ఎవరూ తీర్చలేరని నువ్వు ఎప్పుడూ మాతోనే ఉంటావని మిస్ యూ రా తమ్ముడు అంటూ శేఖర్ మాస్టర్ పోస్ట్ చేశారు. శేఖర్ మాస్టర్ ఎమోషనల్ పోస్ట్ నెట్టింట వైరల్ అవుతోంది.

శేఖర్ మాస్టర్ తమ్ముడికి ఆత్మ శాంతి చేకూరాలని నెటిజన్లు అభిప్రాయపడుతున్నారు. శేఖర్ మాస్టర్ త్వరగా తమ్ముడిని కోల్పోయిన బాధ నుంచి తేరుకోవాలని అభిమానులు కామెంట్లు చేస్తున్నారు. హుక్ స్టెప్స్ ద్వారా పాపులర్ అయిన శేఖర్ మాస్టర్ తన కుటుంబానికి ఎంతో ప్రాధాన్యత ఇస్తారు. ఎలాంటి వివాదాలకు తావివ్వకుండా కెరీర్ ను కొనసాగిస్తూ శేఖర్ మాస్టర్ ప్రశంసలు అందుకున్నారు.

పలు డ్యాన్స్ షోలకు, కామెడీ షోలకు జడ్జిగా వ్యవహరించిన శేఖర్ మాస్టర్ కొరియోగ్రాఫర్ టాప్ రేంజ్ లో ఉన్నారు. రెమ్యునరేషన్ పరంగా కూడా టాప్ లో ఉన్న శేఖర్ మాస్టర్ రాబోయే రోజుల్లో కెరీర్ పరంగా మరింత ఎదగాలని ఫ్యాన్స్ ఆకాంక్షిస్తున్నారు. శేఖర్ మాస్టర్ తన ఇన్ స్టాగ్రామ్ ఖాతా ద్వారా ఈ ఎమోషనల్ పోస్ట్ చేశారు. త్వరలో రిలీజ్ కానున్న మిస్టర్ బచ్చన్, దేవర సినిమాలకు శేఖర్ మాస్టర్ కొరియోగ్రాఫర్ గా వ్యవహరించారు.

 

View this post on Instagram

 

A post shared by Sekhar Vulli Vj (@sekharmaster)