తన పాత్ర పై స్పందించి.. సినిమా పై మరింత ఆసక్తిని పెంచాడు..!

టీజర్ విడుదలైనప్పటి నుండీ ‘సాహో’ చిత్రాన్ని ఎప్పుడెప్పుడు చూస్తామా అని ప్రభాస్ అభిమానులు ఎంతో ఆసక్తితో ఎదురుచూస్తున్నారు. తెలుగుతో పాటూ హిందీ, తమిళ భాషల్లో ఈ చిత్రాన్ని భారీ గా విడుదల చేస్తున్నారు. ఇండిపెండెన్స్ డే కానుకగా ఆగష్టు 15 న ఈ చిత్రాన్ని ప్ర‌పంచ‌వ్యాప్తంగా విడుద‌ల చేయబోతున్నారు. ‘బాహుబలి’ తరువాత ప్రభాస్ కు ఇండియన్ లెవెల్ లో ఫ్యాన్స్ ఏర్పడిన కారణంగా.. బడ్జెట్ విషయంలో ఏమాత్రం రాజీ పడకుండా ‘యూవీ క్రియేషన్స్’ వారు ఈ చిత్రాన్ని నిర్మించారు.

• మల్లేశం సినిమా రివ్యూ కోసం ఇక్కడ క్లిక్ చెయ్యండి
• ఏజెంట్ సాయి శ్రీనివాస ఆత్రేయ సినిమా రివ్యూ కోసం ఇక్కడ క్లిక్ చెయ్యండి

ఈ చిత్రంలో స్టార్ క్యాస్టింగ్ ను ఎంచుకున్నారు. బాలీవుడ్ స్టార్ హీరోయిన్ శ్రద్ధా కపూర్ తో పాటు నెగిటివ్ రోల్ లో నీల్ నితిన్ ముఖేష్, జాకీ ష్రోఫ్, మందిరా బేడి వంటి వారు నటిస్తున్నారు. వీరితో పాటు హిందీ నటుడు చుంకీ పాండే కూడా నటిస్తున్నాడు. ఈ చిత్రంలో ఈయన పాత్ర ఆశ్చర్యం కలిగించే విధంగా ఉంటుందట. తాజాగా తన పాత్ర పై క్లారిటీ ఇచ్చాడు చుంకీ. అతని ట్రాక్ ఈ చిత్రంలో చాలా ఘోరంగానూ, ప్రత్యేకంగానూ ఉంటుందని తెలిపాడు.