రీసెంట్ గా బాలీవుడ్ లో విడుదలైన ‘దృశ్యం2’ సినిమా భారీ విజయాన్ని అందుకుంది. దీంతో హిట్ కోసం ఎదురుచూస్తున్న హిందీ పరిశ్రమకు ఊరట లభించింది. ఇప్పుడు ‘సర్కస్’ సినిమాపై హిందీ జనాలు దృష్టి పెట్టారు. రణవీర్ సింగ్ హీరోగా డ్యూయల్ రోల్ చేసిన ఈ సినిమాకి రోహిత్ శెట్టి దర్శకుడిగా వ్యవహరిస్తున్నారు. బాలీవుడ్ లో రోహిత్ శెట్టికి ఉన్న ఫాలోయింగ్ సంగతి తెలిసిందే. ఎలాంటి కథకైనా.. తనదైన స్టైల్ లో మాస్ టచ్ ఇస్తాడు.
‘సర్కస్’ సినిమా కోసం ప్రమోషన్స్ జోరుగా చేస్తున్నారు. ట్రైలర్ లో ఎంటర్టైన్మెంట్ కనిపించింది కానీ ఆ స్థాయిలో సినిమా మొత్తం ఉంటేనే హిట్ అవుతుంది. ఇందులో ఇద్దరు హీరోయిన్లు. ఒకరు దీపికా పదుకోన్, ఇంకొకరు పూజాహెగ్డే. ప్రమోషన్స్ లో దీపికా పదుకోన్ హైలైట్ అవుతుండగా.. పూజాహెగ్డేని టీమ్ పెద్దగా ప్రమోట్ చేయడం లేదు. ప్రస్తుతం ఆమె సల్మాన్ సరసన ‘కిసీకా భాయ్ కిసీకా జాన్’ షూటింగ్ తో పాటు మహేష్ బాబు కొత్త సినిమాలో నటిస్తోంది.
ప్రమోషన్స్ కోసం పిలిస్తే కచ్చితంగా నో చెప్పదు. కానీ ‘సర్కస్’ టీమ్ ఆమెను పట్టించుకోవడం లేదు. వారంతా దీపికాపైనే ఫోకస్ పెట్టారు. ముంబై మీడియా కూడా భార్యాభర్తల వైపే మొగ్గు చూపిస్తోంది. మొన్నామధ్య విడుదల చేసిన వీడియో సాంగ్ లో రణవీర్ సింగ్, దీపిక జంట.. వారి డాన్స్ కనువిందుగా అనిపించడంతో పూజా రోల్ పెద్దగా ఏం ఉండదనే అనుమానాలు కలుగుతున్నాయి.
టాలీవుడ్ లో స్టార్ డమ్ సంపాదించిన పూజాహెగ్డేకి బాలీవుడ్ లో క్రేజ్ తెచ్చుకోవాలనేది కల. దీనికోసం ఆమె చాలా ప్రయత్నాలు చేస్తోంది. హృతిక్ తో చేసిన ‘మొహంజదారో’ వర్కవుట్ అవ్వలేదు. ‘హౌస్ ఫుల్ 4’ సినిమాతో పూజాకి ఒరిగిందేమీలేదు. ‘రాధేశ్యామ్’ కూడా ఆడలేదు. అయినప్పటికీ పూజా తన ప్రయత్నాలు మానుకోలేదు. ఇప్పుడు ‘సర్కస్’ బుకింగ్స్ చెప్పుకునే స్థాయిలో లేవు. కనీసం సల్మాన్ సినిమాతోనైనా హిట్ కొడుతుందేమో చూడాలి!
అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?
2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!
