మంచు విష్ణు (Manchu Vishnu) ఆఫీసులపై ఐటీ సోదాలు నిర్వహిస్తున్నట్టు ప్రచారం మొదలైంది. ‘కన్నప్ప’ (Kannappa) సినిమా కోసం మంచు విష్ణు భారీగా ఖర్చు పెట్టాడు. బడ్జెట్ వంద కోట్లు పైనే అయినట్టు కూడా ఇటీవల ఓ ఇంటర్వ్యూలో చెప్పుకొచ్చాడు. ఆ లెక్కలు చెబితే ఐటీ అధికారులు మా ఆఫీస్ లో సోదాలు నిర్వహించేందుకు వస్తారని కూడా చమత్కరించాడు.
మరోపక్క బ్రహ్మాజీ (Brahmaji) షేర్ చేసిన ఓ వీడియోలో మోహన్ బాబు (Mohan Babu) ‘7000 ఎకరాలు న్యూజిల్యాండ్ లో మంచు విష్ణు కొనుగోలు చేసినట్టు’ చెప్పుకొచ్చాడు. తర్వాత అది సరదాగా చేసిన వీడియో అని బ్రహ్మాజీ క్లారిటీ ఇవ్వడం జరిగింది. అయినప్పటికీ ఐటీ వాళ్ళు ఆ విషయాన్ని సీరియస్ గా తీసుకున్నారేమో అని కొందరు నెటిజెన్లు కామెంట్లు చేస్తున్నారు.
మరోపక్క జూన్ 27న ‘కన్నప్ప’ (Kannappa) రిలీజ్ కానుంది. ఈ సినిమా కోసం మంచు విష్ణు తన శక్తికి మించి కష్టపడ్డాడు. ప్రమోషన్స్ భారం అంతా తానే మోశాడు. అన్ని రాష్ట్రాల్లోనూ ‘కన్నప్ప’ (Kannappa) ని గ్రాండ్ గా ప్రమోట్ చేశాడు. ఈ సినిమాలో ప్రభాస్ (Prabhas), అక్షయ్ కుమార్ వంటి స్టార్స్ కూడా నటించిన సంగతి తెలిసిందే.
