టాలీవుడ్ సక్సెస్ ఫుల్ ప్రొడ్యూసర్ ఎవరంటే.. ప్రేక్షకులు ఒక్క నిమిషం కూడా ఆలోచించకుండా చెప్పే పేరు దిల్ రాజు. ఆయన స్టార్ హీరోతో సినిమా చేసినా… చిన్న హీరోతో సినిమా చేసినా పెద్ద పెద్ద హిట్లు కొడుతుంటాడాయన. ఎక్కువగా ఈయన చిన్న హీరోలతోనూ.. అలాగే మీడియం హీరోలతోనే సినిమాలు చేయడానికి ఇంట్రెస్ట్ చూపిస్తుంటారు. ఈ క్రమంలో మీడియం రేంజ్ హీరోల్లో టాప్ ఎవరంటే మనకి విజయ్ దేవరకొండ పేరే గుర్తుకొస్తుంది. అలాంటి హీరోతో మాత్రం ఇంకా దిల్ రాజు సినిమా చేయలేదు. అందరూ ఈ కాంబినేషన్ కోసం ఎంతో ఆసక్తితో ఎదురుచూస్తున్నారు. అసలు ఇప్పటివరకూ ఈ కాంబినేషన్ ఎందుకు సెట్ అవ్వలేదు అనే డౌట్ అందరిలోనూ ఉంది.
నిజానికి విజయ్ దేవరకొండ తో సినిమా చేయాలని దిల్ రాజు ఎప్పుడో అనుకున్నాడట. ఈ మేరకు విజయ్ ను సంప్రదించాడు కూడా. విజయ్ కూడా ఇందుకు ఓకే చెప్పాడంట. కానీ ఎక్కువ కాలం దిల్ రాజు ని వెయిటింగ్ లో పెట్టాడట. ఫోన్ లు చేసినా సరిగ్గా క్లారిటీ ఇచ్చేవాడు కాదంట. బహుశా విజయ్ వరుస సినిమాలతో బిజీగా ఉండడంతో ఇలా చేసి ఉండొచ్చు. కానీ సహనం కోల్పోయిన దిల్ రాజు మాత్రం ‘ఇలా వెయిట్ చేయించడం సరి కాదని .. స్టార్ హీరోలు కూడా ఇలా నన్ను వెయిట్ చేయించలేదని.. కుదిరితే చేస్తాను.. లేకపోతే ఇప్పుడు కుదర్లేదు అని చెప్పినా సరిపోతుంది కదా’ అని తన సన్నిహితుల దగ్గర.. అలాగే కొంతమంది నిర్మాతల దగ్గర అన్నాడట. ఈ విషయం విజయ్ వరకూ వెళ్ళిందట. దీని పై విజయ్ కాస్త ఘాటుగానే దిల్ రాజు కి సమాధానం చెప్పాడట. దీంతో వీరిద్దరి మధ్య గ్యాప్ వచ్చిందని తెలుస్తుంది. ఇక ఇప్పటిలో అయితే వీరిద్దరి కాంబినేషన్లో సినిమా ఉండకపోవచ్చని టాక్ నడుస్తుంది.
