Ali, Pawan Kalyan: పవన్ పై అలీ షాకింగ్ కామెంట్స్.. ఏమన్నారంటే?

పవర్ స్టార్ పవన్ కళ్యాణ్ అలీ మంచి స్నేహితులు అనే సంగతి తెలిసిందే. పవన్ నటించిన సినిమాలలో మెజారిటీ సినిమాలలో అలీ కీలక పాత్రలలో నటించి ప్రశంసలు అందుకున్నారు. అయితే పవన్ అలీ సన్నిహితులే అయినా పవన్ జనసేన పార్టీకి అధినేత అయితే అలీ మాత్రం వైసీపీకి సపోర్ట్ చేస్తున్నారు. కొన్నిరోజుల క్రితం వైసీపీ నుంచి అలీకి పదవి లభించిన సంగతి తెలిసిందే. అయితే తాజాగా అలీ పవన్ పై విమర్శలు చేయడం గమనార్హం.

పవన్ కళ్యాణ్ చేసిన వ్యాఖ్యలు కరెక్ట్ కాదని అలీ అన్నారు. జగన్ సర్కార్ పేదల కోసం పని చేస్తున్న ప్రభుత్వం అని అలీ చెప్పుకొచ్చారు. 2019 ఎన్నికల్లో వైసీపీకి 151 సీట్లు వచ్చాయని ప్రజలు అప్పనంగా ఆ స్థాయిలో సీట్లు ఇవ్వలేదని అలీ కామెంట్లు చేశారు. ప్రజలు జగన్ ను నమ్మారని జగన్ చేతిలో రాష్ట్రం బాగుంటుందని ప్రజలు అనుకున్నారని అందుకే గెలిపించారని అలీ చెప్పుకొచ్చారు. రాజధాని ఏది అయినా అభివృద్ధి మాత్రం అన్ని చోట్లా జరుగుతుందని అలీ పేర్కొన్నారు.

షూటింగ్ కోసం విశాఖకు వెళ్లగా అక్కడ రోడ్లు కానీ బీచ్ లు కానీ అద్భుతంగా ఉన్నాయని అలీ చెప్పుకొచ్చారు. విశాఖలో ఎలాంటి అభివృద్ధి లేని సమయంలో కూడా షూటింగ్ లు జరిగాయని విశాఖను అభివృద్ధి చేస్తే ఇతర భాషల సినిమాల షూటింగ్ లు సైతం విశాఖలో జరుగుతాయని అలీ కామెంట్లు చేయడం గమనార్హం.

ఏపీ అభివృద్ధి విషయంలో తప్పు పడుతూ పవన్ కళ్యాణ్ కామెంట్లు చేస్తే అందులో ఏ మాత్రం అర్థం లేదని అలీ అన్నారు. పదవి దక్కడంతో ఏపీలోని అధికార పార్టీకి అనుకూలంగా అలీ కామెంట్లు చేస్తున్నారని మరి కొందరు చెబుతున్నారు. ఈ కామెంట్ల వల్ల పవన్ కళ్యాణ్, అలీ మధ్య దూరం పెరిగే ఛాన్స్ అయితే ఉంది. అలీ కామెంట్ల గురించి పవన్ కళ్యాణ్ ఏ విధంగా స్పందిస్తారో చూడాల్సి ఉంది.

ఊర్వశివో రాక్షశివో సినిమా రివ్యూ & రేటింగ్!

Most Recommended Video

లైక్ షేర్ & సబ్స్క్రైబ్ సినిమా రివ్యూ & రేటింగ్!
బొమ్మ బ్లాక్ బస్టర్ సినిమా రివ్యూ & రేటింగ్!
శిల్పా శెట్టి టు హన్సిక.. వ్యాపారవేత్తలను పెళ్లి చేసుకున్న హీరోయిన్ల లిస్ట్..!