టాలీవుడ్ ఇండస్ట్రీలో కమెడియన్ గా పృథ్వీరాజ్ కు ప్రత్యేక గుర్తింపు ఉందనే విషయం తెలిసిందే. 35 సంవత్సరాలుగా సినిమా ఇండస్ట్రీలో ఉన్న పృథ్వీరాజ్ కు ఈ మధ్య కాలంలో సినిమా ఆఫర్లు ఎక్కువగా రావడం లేదు. కొన్ని వివాదాల ద్వారా వార్తల్లో నిలవడం పృథ్వీరాజ్ కు మైనస్ అయింది. తాజాగా ఒక ఇంటర్వ్యూలో పృథ్వీరాజ్ మాట్లాడుతూ ఆసక్తికర విషయాలను చెప్పుకొచ్చారు. కెరీర్ తొలినాళ్లలో తనకు ఎదురైన అనుభవాల గురించి పృథ్వీ వెల్లడించారు.
చాలా సంవత్సరాల క్రితం పృథ్వీరాజ్ గండిపేట రహస్యం అనే సినిమాలో నటించారు. ప్రభాకర్ రెడ్డి ఈ సినిమాకు నిర్మాతగా వ్యవహరించారు. అయితే గండిపేట రహస్యంలో పృథ్వీ ఎన్టీఆర్ పాత్రలో నటించారు. నందమూరి అభిమానులకు ఈ సినిమా ఆగ్రహం తెప్పించింది. ఈ సినిమా రిలీజైన తర్వాత ఒక థియేటర్ కు పృథ్వీరాజ్, ప్రభాకర్ రెడ్డి కలిసి వెళ్లారు. అయితే వీళ్లు థియేటర్ కు వచ్చారని తెలిసి సీనియర్ ఎన్టీఆర్ ఫ్యాన్స్ పృథ్వీరాజ్ ను, ప్రభాకర్ రెడ్డిని కొట్టడానికి థియేటర్ కు వచ్చారు.
ఆ సమయంలో అక్కడే ఉన్న నందమూరి హరికృష్ణ వీళ్లిద్దరినీ కారులో ఎక్కించుకుని మరో చోటికి తీసుకెళ్లారు. ఆరోజు హరికృష్ణ అక్కడ లేకపోతే ఎన్టీఆర్ ఫ్యాన్స్ చంపేసేవాళ్లని పృథ్వీరాజ్ తెలిపారు. అయితే ఈ సినిమాలో తాను నటించడాన్ని సీనియర్ ఎన్టీఆర్ సీరియస్ గా తీసుకోలేదని పృథ్వీరాజ్ చెప్పుకొచ్చారు. గండిపేట రహస్యం రిలీజైన తర్వాత తనకు నాలుగేళ్ల పాటు సినిమా ఆఫర్లు రాలేదని పృథ్వీరాజ్ కామెంట్లు చేశారు.
Most Recommended Video
టాలీవుడ్ ప్రేక్షకులను అలరించిన 10 సైన్స్ ఫిక్షన్ మూవీస్ ఇవే..!
ప్రకటనలతోనే ఆగిపోయిన మహేష్ బాబు సినిమాలు ఇవే..!
ఈ 15 మంది హీరోయిన్లు విలన్లుగా కనిపించిన సినిమాలు ఏంటో తెలుసా..?
Home
