Prudhvi Raj, Pawan Kalyan: ఆ పార్టీని కచ్చితంగా ఓడిస్తానన్న పృథ్వీరాజ్!

పవర్ స్టార్ పవన్ కళ్యాణ్ ప్రస్తుతం ఒకవైపు రాజకీయాలతో మరోవైపు సినిమాలతో బిజీగా ఉన్నారు. 2019 ఎన్నికల్లో పవన్ కళ్యాణ్ గాజువాక, భీమవరం నుంచి పోటీ చేయగా ఈ రెండు స్థానాలలో వైసీపీ అభ్యర్థుల చేతిలో పవన్ కళ్యాణ్ ఓడిపోయారు. అయితే ప్రముఖ కమెడియన్ పృథ్వీరాజ్ పవన్ కళ్యాణ్ గురించి, జనసేన పార్టీ గురించి మాట్లాడుతూ తాజాగా ఆసక్తికర వ్యాఖ్యలు చేశారు. ప్రస్తుతం పృథ్వీరాజ్ జనసేన పార్టీని సపోర్ట్ చేస్తున్నారు.

2019 సంవత్సరంలో పొరపాటు జరిగిందని 2024 సంవత్సరంలో ఆ పొరపాటు రిపీట్ కాదని పృథ్వీరాజ్ చెప్పుకొచ్చారు. 2024 ఎన్నికల్లో ఏపీలో అనూహ్యమైన ఫలితం వస్తుందని ఆయన తెలిపారు. 2024 ఎన్నికల్లో పవన్ కచ్చితంగా గెలుస్తారని పృథ్వీరాజ్ చెప్పుకొచ్చారు. ఈ విషయాన్ని ఘంటాపథంగా ప్రజలు చెబుతున్నారని ఆయన తెలిపారు. వైసీపీ ప్రభుత్వం వద్దని పవన్ సీఎం కావాలని ప్రజలు కోరుకుంటున్నారని పృథ్వీరాజ్ పేర్కొన్నారు. తాను వచ్చే ఎన్నికల్లో భీమవరం నుంచి పోటీ చేస్తానని పృథ్వీరాజ్ తెలిపారు.

తాను ప్రత్యక్ష రాజకీయాల్లోకి రావడంతో పాటు బీ ఫామ్ ను తీసుకొని నిలబడతానని పృథ్వీరాజ్ చెప్పుకొచ్చారు. ప్రతి చర్యకు ప్రతిచర్య ఉంటుందని పవన్ ఓడిన చోటే గెలిచి హిస్టరీ రిపీట్ చేస్తానని పృథ్వీరాజ్ కామెంట్లు చేశారు. గ్రౌండ్ లెవెల్ నుంచి వర్క్ చేసి తాను ఈ డైలాగ్ లు చెబుతున్నానని ఆయన అన్నారు. బాల్ జనసేన పార్టీ కోర్టులో ఉందని ప్రభుత్వ వ్యతిరేక ఓటు జనసేన పార్టీకి కలిసొస్తుందని పృథ్వీరాజ్ కామెంట్లు చేశారు.

ప్రజలు జనసేన పార్టీతోనే ఉంటారని పృథ్వీరాజ్ తెలిపారు. పృథ్వీరాజ్ నమ్మకం నిజమవుతుందో లేదో చూడాల్సి ఉంది. ఏపీలో ఎన్నికలకు మరో 22 నెలల సమయం మాత్రమే ఉంది. 2024 ఎన్నికల్లో తమ పార్టీనే గెలుస్తుందని అన్ని పార్టీల నేతలు చెబుతున్నారు. పృథ్వీరాజ్ చేసిన కామెంట్లు నెట్టింట వైరల్ అవుతున్నాయి.

విరాటపర్వం సినిమా రివ్యూ & రేటింగ్!

Most Recommended Video

‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!