Biker: ‘బైకర్‌’లో ఇబ్బంది పెట్టే పాయింట్‌ అదే.. అక్కడ కనెక్ట్ అయితే చాలట

March 16, 2026 / 02:32 PM ISTByFilmy Focus Desk

Join Us

తెలుగు సినిమా ప్రేక్షకులు అన్ని రకాల సినిమాలు చూస్తారు. అయితే ఏదైనా అంశం మన నేటివిటీకి, మన అలవాటట్లకు, మన పరిసరాలకు దూరంగా ఉంటే డౌటే. అందుకే పెద్ద దర్శకులు తీసిన నాన్‌ తెలుగు నేల రిలేటెడ్‌ సినిమా అయితే చూడరు. అదే కాన్సెప్ట్‌లో ఇతర వుడ్స్‌లో తెరకెక్కి ఉంటే డబ్బింగ్‌ సినిమాలో, సబ్‌ టైటిల్స్‌ సినిమాలో చూస్తారు. అది దా సర్‌ప్రైజ్‌ అన్నమాట. ఇప్పుడు ఈ టాపిక్‌ ఎందుకు వచ్చిందంటే.. ఇప్పుడు తెలుగు నేలకు పెద్దగా అలవాటు లేని ఓ కాన్సెప్ట్‌తో ఓ సినిమా టాలీవుడ్‌లో రూపొందింది. త్వరలో విడుదలకు సిద్ధమవుతోంది.

Biker

‘నారీ నారీ నడుమ మురారి’ సినిమాతో సంక్రాంతికి వచ్చి మంచి విజయం అందుకున్నాడు శర్వానంద్‌. నిజానికి ఆ సీజన్‌లో రావాల్సిన ఆయన సినిమా ‘బైకర్‌’. అప్పుడు వాయిదా పడిన సినిమా ఇప్పుడు విడుదలకు సిద్ధమవుతోంది. ఆ సినిమా టైటిల్‌, ప్రచార చిత్రాలు చూస్తే.. జోనర్‌ ఏంటి అనేది అర్థమైపోతుంది. అయితే అక్కడక్కడా బైక్‌ రేసింగ్‌ సీన్స్‌ ఉంటాయనుకున్నారు కొంతమంది. అయితే అక్కడక్కడా కాదు.. సినిమాలో మెయిన్‌ పార్ట్‌ ఆ సీన్సే అంటున్నారు ఆ సినిమా సంగీత దర్శకుడు జిబ్రాన్‌.

‘రన్‌ రాజా రన్‌’, ‘జిల్‌’, ‘సాహో’ లాంటి సినిమాలతో తెలుగు ప్రేక్షకుల్ని మెప్పించిన సంగీత దర్శకుడు జిబ్రాన్‌. ఇప్పుడు ఆయన సంగీతం అందించిన ‘బైకర్‌’ ఏప్రిల్‌ 3న థియేటర్లలోకి రానుంది. ‘సాహో’ సినిమా తర్వాత తెలుగులో ఆయన నుండి వస్తున్న ప్రామినంట్‌ సినిమా ఇది.ఈ సినిమా గురించి చెప్పండి అని అయన్ని అడిగితే.. బలమైన భావోద్వేగాలు ఉన్న కథ ఇది. ఈ సినిమాలో రెండు ప్రపంచాలు కనిపిస్తాయి. మోటోక్రాస్‌ రేసింగ్, యాక్షన్‌ ఓవైపు.. కుటుంబ భావోద్వేగాలు, తండ్రీ – కొడుకు అనుబంధం మరోవైపు అని చెప్పారాయన.

సినిమాలో బైక్‌ రేసింగ్‌ ఎపిసోడ్స్‌ ఇంట్రెస్టింగ్‌గా ఉంటాయి. మోటోక్రాస్‌ రేసింగ్‌ గురించి అవగాహన లేని వాళ్లకి కూడా ఈ సినిమా ఇంట్రెస్టింగ్‌గా అనిపిస్తుంది. మామూలుగా రేసింగ్‌ సన్నివేశాల్లో బైక్స్‌ నుండి వచ్చే సౌండ్స్‌ ఎక్కువగా ఉంటాయి. దాని వల్ల థియేటర్లో కూర్చున్న ప్రేక్షకులకు సంగీతం వినిపించకుండా పోకూడదని కొత్త సాంకేతికత వాడి నేపథ్య సంగీతం, సౌండ్‌ ఎఫెక్ట్స్‌ బ్యాలెన్స్‌ చేశాం అని చెప్పారు జిబ్రాన్‌. ఆ లెక్కన మోటోక్రాస్‌ రేసింగ్‌ అవగాహన మీదనే సినిమా ఫలితం ఆధారపడి ఉందని చెప్పొచ్చు.