ప్రతి సంవత్సరం మాదిరిగా రాబోయే సంక్రాంతికి కూడా పలు బడా సినిమాలు విడుదలకు రెడీ అవుతున్నాయి. అయితే వాటిలో ఇప్పటికే కొన్ని రిలీజ్ డేట్స్ అనౌన్స్ చేయగా మరికొన్ని విడుదల చేసేందుకు సిద్ధం అవుతున్నాయి. ఇక ముందుగా పవర్ స్టార్ పవన్ కళ్యాణ్, రానా కలిసి నటిస్తున్న భీమ్లా నాయక్ సినిమా అందరికంటే ముందు జనవరి 12న రిలీజ్ కానుంది. సితార ఎంటర్టైన్మెంట్స్ బ్యానర్ పై ఈ సినిమా రూపొందుతుండగా సాగర్ కె చంద్ర ఈ సినిమాకి దర్శకత్వం వహిస్తున్నారు. అయ్యప్పనుం కోషియం అనే మలయాళ సూపర్ హిట్ మూవీ కి రీమేక్ గా తెరకెక్కుతున్న ఈ సినిమాకి త్రివిక్రమ్ రచయితగా వర్క్ చేస్తున్నారు. ఇక జనవరి 13న సూపర్ స్టార్ మహేష్, కీర్తి సురేష్ ల కలయికలో తెరకెక్కుతున్న సర్కారు వారి పాట ప్రేక్షకుల ముందుకు రానుంది.
పరశురామ్ తీస్తున్న ఈ సినిమాకి థమన్ సంగీతం అందిస్తుండగా ప్రస్తుత బ్యాంకింగ్ వ్యవస్థలో జరుగుతున్న ఆర్ధిక లోపల పై ఈ సినిమా తెరకెక్కుతున్నట్లు టాక్. భారీ మాస్ యాక్షన్ ఎంటర్టైనర్ గా రూపొందుతున్న ఈ సినిమాకి మది ఫోటోగ్రఫి అందిస్తున్నారు. అలానే ప్రభాస్, పూజా హెగ్డే తొలిసారిగా కలిసి నటిస్తున్న రాధేశ్యామ్ మూవీ జనవరి 14న విడుదల కానుంది. రాధాకృష కుమార్ తీస్తున్న ఈ సినిమాని యువి క్రియేషన్స్ సంస్థ నిర్మిస్తుండగా భారీ పాన్ ఇండియా మూవీగా రాధేశ్యామ్ తెరకెక్కుతోంది. కృష్ణంరాజు, భాగ్యశ్రీ, ప్రియదర్శి, జయరాం తదితరులు ఇంత క్యారెక్టర్స్ చేస్తున్న ఈ సినిమాకి మనోజ్ పరమహంస ఛాయాగ్రాహకుడిగా పని చేస్తున్నారు.
అయితే ఈ మూడింటి తో పాటు వెంకటేష్, వరుణ్ తేజ్ ల ఎఫ్ 3, అలానే విజయ్ నటిస్తున్న బీస్ట్ సినిమాలు కూడా సంక్రాంతి బరిలో నిలవనున్నాయట. కాగా మహేష్, పవన్, ప్రభాస్ సినిమాల్లో ఒక మూవీ పక్కాగా సంక్రాంతి బరి నుండి తప్పుకునే ఛాన్స్ ఉందనేది లేటెస్ట్ ఫిలిం నగర్ వర్గాల సమాచారం. ఎందుకంటే ఒకేసారి ఈ ముగ్గరు భారీ ఇమేజ్ కలిగిన స్టార్ హీరోలు బాక్సాఫీస్ బరిలో నిలిస్తే అది ముగ్గురి సినిమాల కలెక్షన్స్ కి ఇబ్బందే అని, అందుతున్న న్యూస్ ప్రకారం వీటిలో అప్పటికి ఒక మూవీ ఈ రేస్ నుండి తప్పుకోనుందని, త్వరలో ఆ సినిమాకి సంబంధించి అఫీషియల్ గా అనౌన్స్ మెంట్ కూడా రానుందని టాక్. మరి ఇది నిజామా కాదా అనేది తెలియాలి అంటే కొద్దిరోజులు ఆగాలి ….!!
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
