మంగళం శ్రీను పాత్ర కోసం సునీల్‌ చాలా కష్టపడ్డాడు.. లుక్‌ మార్చుకొని ఒక యారగెంట్‌ యాటిట్యూడ్‌ అలవర్చుకున్నాడు… ‘పుష్ప’ సినిమా విడుదలైన కొత్తల్లో ఈ విషయం గురించే ఎక్కువగా మాట్లాడుకున్నారు. అయితే ఆయన కష్టం పెద్దగా ఫలించలేదు అనుకునేవాళ్లు ఉన్నారు. ఎందుకంటే ఆ స్థాయిలో కష్టపడ్డా సరైన అవకాశాలు రావడం లేదా అనేది వారి ఆలోచన. అలాంటి వారందరికీ సునీల్‌ గుడ్‌ న్యూస్‌ చెప్పారు. ‘పుష్ప’ సినిమాలో సీరియస్‌ విలన్‌ పాత్రలో సునీల్‌ కనిపించిన విషయం తెలిసిందే.
మంగళం శ్రీనుగా సునీల్‌ని చూసి కాస్త జడుసుకున్నారు ప్రేక్షకులు. కారణం ఆయన లుక్‌, యాటిట్యూడ్‌. ఇప్పుడు అవే సునీల్‌కు బాలీవుడ్, కోలీవుడ్‌ అవకాశాలు వచ్చేలా చేస్తున్నాయట. అవును ‘పుష్ప’ రిలీజ్ తర్వాత సునీల్‌కు మంచి రెస్పాన్సే వస్తోందట. బాలీవుడ్, కోలీవుడ్‌ నుండి అవకాశాలు ఫోన్లు వస్తున్నాయని చెప్పారు సునీల్‌. మరి ఏ సినిమాలైనా ఓకే చేశారా అని అడిగితే.. కాస్త ఆగండి త్వరలో ఫుల్‌ క్లారిటీ ఇస్తాను అని చెబుతున్నారు.
అయితే హీరోయేనా? అని అడిగితే.. కాంచెం ఆగుదురు అంటూ తనదైన యాస్‌లో చెప్పుకొచ్చారు సునీల్‌. తెలుగులో హీరోగా మంచి పేరే తెచ్చుకున్నా… కథల సెలక్షన్‌లో తప్పుల వల్ల నిలదొక్కుకోలేకపోయాడు సునీల్‌. దీంతో తిరిగి కామెడీ వేషాలవైపు వచ్చేశారు. ఇప్పుడు బాలీవుడ్, కోలీవుడ్‌లో ఏం చేస్తారో చూడాలి. అన్నట్లు తొలుత అంటే చిన్నతనంలో సునీల్‌ హీరో అవ్వాలనే అనుకున్నారట. ఆ తర్వాత తన ఫేస్‌కట్‌ చూసుకొని అలాంటి పాత్రలు తనకు వర్కవుట్‌ అవ్వవని తెలుసుకున్నారట.
దీంతో కామెడీ విలన్‌ అవుదామని సినిమాల్లో ట్రై చేశారట. ‘ఫ్యామిలీ సర్కస్‌’లో అలాంటి పాత్రే చేశారు. ఆ తర్వాత కమెడియన్‌ అయ్యి, హీరో అయ్యి రాణించారు. ఇప్పుడు మళ్లీ కమెడియన్‌గా అలరించే ప్రయత్నం చేస్తున్నారు. ప్రస్తుతం ఆయన చేతిలో వరుస సినిమాలు ఉన్నాయి. ఆయన ముఖ్య పాత్రలో నటించిన ‘ఎఫ్‌ 3’ మే 27న విడుదల కాబోతోంది. ఈ సినిమాతో అలనాటి సునీల్‌ని తిరిగి చూస్తారు అని ఆయన కచ్చితంగా చెబుతున్నారు. అదేంటో చూసేయాలి మరి.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
Home