ఒకటి కాదు..రెండు కాదు, దాదాపుగా 9ఏళ్ల సుధీర్గ రాజకీయ ప్రయాణం తరువాత మళ్లీ మన మెగాస్టార్ చిరంజీవి టాలీవుడ్ లోకి ఒక మిసైల్ లాగా దూసుకు వచ్చేందుకు ప్రయత్నిస్తున్నాడు. అయితే గతంలో చిరు కి ఉన్న స్టార్ డమ్ తో పోల్చుకుంటే కాస్త చిరు ఇమేజ్ తగ్గింది అని మన ఒప్పుకోలేనప్పటికీ…అందులో కొంచెం నిజం లేకపోలేదు, అదే క్రమంలో చిరుకి కరడుగట్టిన అభిమానులు ఇంకా లక్షల్లో ఉన్నారు అని నిన్న విడుదలయిన సినిమా మోషన్ పోస్టర్ వ్యూస్ చెబుతున్నాయి.
ఇదిలా ఉంటే చిరు 150వ సినిమా పై భారీ అంచనాలతో ఉన్న మెగా ఫ్యాన్స్ కు నిన్న విడుదలయిన మోషన్ పోస్టర్ సూపర్ గా నచ్చింది. అదే క్రమంలో టైటిల్ సైతం వారికి నచ్చినట్లుగానే అనిపిస్తుంది. అయితే సోషియల్ నెట్‌వర్కింగ్ సైట్స్ లెక్కల ప్రకారం ఈ సినిమా టైటిల్ కాస్త విమర్శలు తావిస్తుంది….విషయంలోకి వెళితే….ఈ టైటిల్ ఎంత వరకు బాగుంది? అనే విషయంపై సోషియల్ నెట్ వర్కింగ్ సైట్స్ లో హాట్ హాట్ డిస్కషన్స్ నడుస్తున్నాయి. ‘ఖైదీ నెంబ‌ర్ 150’ అనే టైటిల్ సూపర్బ్ గా నచ్ఛిందని మెగా ఫ్యాన్స్ అంటుంటే….టైటిల్ ఏమంత బాగోలేదంటూ మరికొంత మంది ఘూటుగా స్పంధిస్తున్నారు.
ఎందుకు నచ్చలేదు అన్న దానిపై వారు స్పందిస్తూ..‘ఖైదీ నెంబ‌ర్ 150’ అనే టైటిల్ చాలా సింపుల్ గా ఉందని , చిరు నటిస్తున్న 150వ సినిమా టైటిల్ మరింత పవర్ ఫుల్ గా పెట్టి ఉంటే బావుండేది అని చెబుతున్నారు. మొత్తంగా చూసుకుంటే ఈ సినిమా టైటిల్ విషయంలో కాస్త మిక్స్డ్ రెస్పాన్స్ వచ్చింది అనే చెప్పాలి…మరి సినిమా విషయంలో ఎవరి అభిప్రాయం ఎలా ఉంటుందో చూద్దాం.
