మాస్ క దాస్ విశ్వక్ సేన్ కి చాలా కాలంగా హిట్ లేదు. 2024 ఆరంభంలో వచ్చిన ‘గామి’ తర్వాత విశ్వక్ చేసిన సినిమాలన్నీ ఫ్లాప్ అయ్యాయి. ఈ ఏడాది అనుదీప్ తో చేసిన ‘ఫంకీ’ సైతం అతన్ని గట్టెక్కించలేకపోయింది. ఈసారి ఎలాగైనా హిట్టు కొట్టి కంబ్యాక్ ఇవ్వాలనే ఉద్దేశంతో తన దర్శకత్వంలోనే ‘కల్ట్'(Cult) అనే సినిమా చేశాడు. ‘తారక్ సినిమాస్’ సంస్థపై సందీప్ కాకరాల ఈ చిత్రాన్ని దాదాపు రూ.25 కోట్ల బడ్జెట్ తో నిర్మించారు. ఈ సినిమా టీజర్, ట్రైలర్స్ వంటివి చాలా వయొలెంట్ గా అనిపించాయి.
సెన్సార్ విషయంలో కూడా చాలా ఇబ్బందులు ఎదుర్కొంది ఈ సినిమా. ‘A’ సర్టిఫికేట్ ఇచ్చినప్పటికీ సెన్సార్ వాళ్ళు ఈ సినిమాలో చాలా సన్నివేశాలు కట్ చేశారు. ఇది ఇండస్ట్రీలో పెద్ద ఎత్తున హాట్ టాపిక్ అయ్యింది. ఆ విషయాలు పక్కన పెట్టేస్తే.. ఈ సినిమాకి మొదటి రోజు నెగిటివ్ టాక్ వచ్చింది. దీంతో ఓపెనింగ్స్ కూడా సొ సొగానే నమోదయ్యాయి.2వ రోజు కూడా అనుకున్నంత గ్రోత్ చూపించలేకపోయింది. ఒకసారి 2 డేస్ కలెక్షన్స్ ను గమనిస్తే :
| నైజాం | 0.62 cr |
| సీడెడ్ | 0.08 cr |
| ఆంధ్ర(టోటల్) | 0.36 cr |
| ఏపీ + తెలంగాణ(టోటల్) | 1.06 cr |
| రెస్ట్ ఆఫ్ ఇండియా | 0.20 cr |
| ఓవర్సీస్ | 0.38 cr |
| వరల్డ్ వైడ్(టోటల్) | 1.64 cr(షేర్) |
‘కల్ట్’ సినిమాకి రూ.8 కోట్ల ధియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కోసం రూ.8.5 కోట్ల వరకు షేర్ ను రాబట్టాలి. 2 రోజుల్లో ఈ సినిమాకి కేవలం రూ.1.64 కోట్ల షేర్ నమోదైంది. గ్రాస్ పరంగా రూ.3.1 కోట్లు కలెక్ట్ చేసింది. బ్రేక్ ఈవెన్ కోసం మరో రూ.6.86 కోట్లు కలెక్ట్ చేయాల్సి ఉంది.
