Custody: కస్టడీ మూవీ చూసి సెన్సార్ సభ్యులు అలా రియాక్ట్ అయ్యారా?

మరో 48 గంటల్లో నాగచైతన్య, కృతిశెట్టి జంటగా నటించిన కస్టడీ మూవీ థియేటర్లలో రిలీజ్ కానుంది. అరవిందస్వామి విలన్ గా నటించిన ఈ సినిమాపై అంచనాలు అంతకంతకూ పెరుగుతున్నాయే తప్ప తగ్గడం లేదు. తాజాగా ఈ సినిమా సెన్సార్ కార్యక్రమాలను పూర్తి చేసుకోగా సెన్సార్ సభ్యుల నుంచి ఈ సినిమాకు యూ/ఏ సర్టిఫికెట్ వచ్చింది. సెన్సార్ సభ్యులు ఈ మూవీ చూసి ఇంప్రెస్ అయ్యారని సమాచారం. ఇంటర్వెల్ ట్విస్ట్, క్లైమాక్స్ సినిమాకు ఆయువుపట్టులా నిలిచాయని ఈ మధ్య కాలంలో అద్భుతమైన స్క్రీన్ ప్లేతో తెరకెక్కిన సినిమాలలో కస్టడీ మూవీ ఒకటని సెన్సార్ సభ్యులు కామెంట్లు చేస్తున్నారు.

కస్టడీ (Custody) మూవీలో అరవిందస్వామి పాత్ర ఎంట్రీ నుంచి గూస్ బంప్స్ వచ్చే సన్నివేశాలు ఎక్కువగా ఉంటాయని సమాచారం. కృతిశెట్టి పాత్ర గత సినిమాలకు భిన్నంగా కొత్తగా ఉంటుందని అభిప్రాయాలు వ్యక్తమవుతున్నాయి. గత రెండు సినిమాలతో ప్రేక్షకులను తీవ్రస్థాయిలో నిరాశపరిచిన నాగచైతన్య కస్టడీ సినిమాతో ప్రేక్షకులను మెప్పించడంతో పాటు భారీ విజయాన్ని సొంతం చేసుకుంటారని కామెంట్లు వినిపిస్తున్నాయి.

ఇప్పటికే కొంతమంది సినీ ప్రముఖులు ఈ సినిమాను చూసేశారని వాళ్లు కూడా ఈ సినిమా విషయంలో పాజిటివ్ గా రియాక్ట్ అయ్యారని బోగట్టా. ఈ సినిమాతో వెంకట్ ప్రభు టాలీవుడ్ లో బిజీ కావడం గ్యారంటీ అని కామెంట్లు వ్యక్తమవుతున్నాయి. వెంకట్ ప్రభు ఈ సినిమాతో టాలీవుడ్ ఇండస్ట్రీలో ఎలాంటి ఫలితాన్ని సొంతం చేసుకుంటారో చూడాల్సి ఉంది. కస్టడీ మూవీ ఒకింత భారీ బడ్జెట్ తో తెరకెక్కింది. ప్రమోషన్స్ లో వేగం పెంచితే మాత్రం సినిమాకు ప్లస్ అవుతుందని చెప్పవచ్చు.

నాగచైతన్య తర్వాత ప్రాజెక్ట్ లతో కూడా భారీ విజయాలను సొంతం చేసుకోవాలని ఫ్యాన్స్ కోరుకుంటున్నారు. నాగచైతన్య ప్రస్తుతం ఒక్కో సినిమాకు 10 నుంచి 12 కోట్ల రూపాయల రేంజ్ లో పారితోషికం తీసుకుంటున్నారు.

రామబాణం సినిమా రివ్యూ & రేటింగ్!
ఉగ్రం సినిమా రివ్యూ & రేటింగ్!

గుడి కట్టేంత అభిమానం.. ఏ హీరోయిన్స్ కు గుడి కట్టారో తెలుసా?
ఇంగ్లీష్ లో మాట్లాడటమే తప్పా..మరి ఇంత దారుణంగా ట్రోల్స్ చేస్తారా?