Sir Movie: సార్ సినిమా నుంచి స్పెషల్ పోస్టర్ రిలీజ్!

కోలీవుడ్ ఇండస్ట్రీలో స్టార్ హీరోగా గుర్తింపు పొందిన ధనుష్ గురించి ప్రత్యేకంగా పరిచయం చేయాల్సిన అవసరం లేదు. ధనుష్ నటించిన రఘువరన్ బీటెక్ సినిమా ద్వారా తెలుగు ప్రేక్షకులకు పరిచయం అయ్యాడు. తమిళ్ భాషలో తెరకెక్కించిన ఈ సినిమాని తెలుగులో డబ్ చేసి విడుదల చేశారు. ఇలా ధనుష్ నటించిన ఎన్నో సినిమాలను తెలుగులో డబ్ చేసి విడుదల చేయటం వల్ల ధనుష్ తెలుగు ప్రేక్షకులకి కూడా అభిమాన హీరోగా మారిపోయాడు.

ఇదిలా ఉండగా ప్రస్తుతం ధనుష్ “సార్” సినిమాలో నటిస్తున్నాడు. ఈ సినిమా ద్వారా ధనుష్ మొట్టమొదటిసారిగా తెలుగు సినిమాలో నటిస్తుండటం విశేషం. ఈ సినిమాకి ప్రముఖ తెలుగు దర్శకుడు వెంకీ అట్లూరి దర్శకత్వం వహిస్తున్నాడు. సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్, శ్రీకర స్టూడియోస్ సంయుక్తంగా సంయుక్తంగా తెరకెక్కిస్తున్న ఈ సినిమాలో ధనుష్ ఒక వైవిధ్యమైన పాత్రలో నటిస్తున్నట్లు తెలుస్తోంది. ఈ సినిమాలో ధనుష్ కి జోడిగా సంయుక్త మీనన్ నటిస్తోంది.

ఇక ఈ సినిమాలో సాయికుమార్ విలన్ గా కనిపించనున్నాడు. ఇదిలా ఉండగా ఇటీవల ఈ సినిమా నుండి విడుదలైన ఫస్ట్ లుక్ ప్రేక్షకులను బాగా ఆకట్టుకుని సినిమా మీద అంచనాలను పెంచుతోంది. దీపావళి కానుకగా విడుదల చేసిన ఈ ఫస్ట్ లుక్ పోస్టర్ లో ధనుష్ రౌడీ మూకకు పాఠం కాకుండా గుణపాఠం నేర్పుతూ కనిపించాడు. ఈ యాక్షన్ సీక్వెన్స్‌లోని ఈ స్టిల్‌లో ధనుష్ చాలా స్టైలిష్ లుక్‌లో కనిపిస్తూ అభిమానుల్ని బాగా ఆకట్టుకుంటున్నాడు.

ఇక ఈ ఫోటో ప్రస్తుతం సోషల్ మీడియాలో వైరల్ అవుతోంది. అయితే ఈ సినిమా విడుదల తేదీ గురించి ఇప్పటివరకు అధికారికంగా ఇంకా ప్రకటించలేదు. దీంతో ఈ సినిమా విడుదల తేదీ కోసం ప్రేక్షకులు ఎంతో ఆత్రుతగా ఎదురుచూస్తున్నారు. ప్రస్తుతం శరవేగంగా షూటింగ్ జరుపుకుంటున్న ఈ సినిమా విడుదల తేదీ గురించి తొందర్లోనే ప్రకటించనున్నట్లు చిత్ర యూనిట్ వెల్లడించింది. అంతేకాకుండా ఈ సినిమాలో ధనుష్ పాత్ర అద్భుతంగా ఉండబోతున్నట్లు చిత్ర యూనిట్ వెల్లడించింది. ధనుష్ మొదటిసారిగా తెలుగులో నటిస్తున్న ఈ సినిమాని ప్రేక్షకులు ఎలా ఆదరిస్తారో చూడాలి మరి.

జిన్నా సినిమా రివ్యూ& రేటింగ్!

Most Recommended Video

ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!