Sir OTT: ఓటీటీ స్ట్రీమింగ్ కి సిద్ధమైన ధనుష్ సార్.. ఎప్పుడంటే?

కోలీవుడ్ స్టార్ హీరో ధనుష్ హీరోగా వెంకి అట్లూరి దర్శకత్వంలో నటించిన తాజా చిత్రం సార్.ఈ సినిమా ద్వారా ఈయన పూర్తిస్థాయి తెలుగు సినిమాతో ప్రేక్షకులు ముందుకు వచ్చారు. అయితే ఈ సినిమా తమిళంలో కూడా వాతి అనే పేరిట విడుదల అయింది. ఇలా ఈ సినిమా తెలుగు తమిళ భాషలలో ఫిబ్రవరి 17వ తేదీ ప్రేక్షకుల ముందుకు వచ్చి ఎంతో అద్భుతమైన విజయాన్ని అందుకుంది. ఈ సినిమా ప్రపంచ వ్యాప్తంగా 100 కోట్లకు పైగా కలెక్షన్లను రాబట్టడమే కాకుండా నటుడు ధనుష్ కి మరింత మంది అభిమానులను సంపాదించి పెట్టింది.

ఇక ఈ సినిమా విద్య ముసుగులో కార్పొరేట్ సంస్థలు చేస్తున్నటువంటి మోసాన్ని ప్రశ్నించే ఒక లెక్చరర్ పాత్రలో ధనుష్ కనిపించారు. ఇలా కార్పొరేట్ సంస్థలను ఎదురించి విద్యా వ్యవస్థను కాపాడే ఒక లెక్చరర్ పాత్రలో ఈయన నటించారు. ఇక ఈయన సరసన నటి సంయుక్త మీనన్ హీరోయిన్ గా నటించారు. ఇలా ఈ సినిమాలో వీరిద్దరి ఆన్ స్క్రీన్ కెమిస్ట్రీ అందరినీ ఎంతగానో ఆకట్టుకుంది. ఇలా థియేటర్లలో పెద్ద ఎత్తున ప్రేక్షకులను సందడి చేసిన సార్ సినిమా త్వరలోనే ఓటీటీలో విడుదల కావడానికి సిద్ధమైంది.

ఈ క్రమంలోనే ఈ సినిమా డిజిటల్ హక్కులను ప్రముఖ ఓటీటీ సమస్థ నెట్ ఫ్లిక్స్ భారీ ధరలకు కొనుగోలు చేశారు. ఈ సందర్భంగా ఈ సినిమా డిజిటల్ స్ట్రీమింగ్ గురించి కూడా నెట్ ఫ్లిక్స్ అధికారిక ప్రకటన వెల్లడించారు. ఇక ఈ విషయాన్ని నెట్ ఫ్లిక్స్ అధికారికంగా తెలియజేస్తూ సార్ వస్తున్నాడు అందరూ క్లాసెస్ కు అటెండ్ అవ్వాల్సిందే. అంటూ ఈ సినిమా మార్చి 17వ తేదీ నెట్ ఫ్లిక్స్ లో ప్రసారం కానుందని తెలియజేశారు.

మరి థియేటర్లలో సార్ సినిమాని మిస్ అయినటువంటి వారందరూ కూడా ఇకపై ఓటీటీలో చూసేయొచ్చు థియేటర్ లో ఎంతో మంచి ఆదరణ సంపాదించుకున్న ఈ సినిమా ఓటీటీలో ఎలాంటి ఆదరణ సంపాదించుకుంటుందో తెలియాల్సి ఉంది.

రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!

2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్