Darling: ‘రాజాసాబ్’ గాయాన్ని మరిపించిన ‘డార్లింగ్’

‘సలార్’ ‘కల్కి 2898 AD’ వంటి హిట్ల తర్వాత ‘ది రాజాసాబ్’ సినిమాతో ప్రేక్షకుల ముందుకు వచ్చాడు ప్రభాస్. ఈ ఏడాది సంక్రాంతి కానుకగా రిలీజ్ అయిన ఈ సినిమా పెద్ద డిజాస్టర్ గా మిగిలిపోయింది.

Darling

మొదటి రోజు భారీ ఓపెనింగ్స్ తెచ్చుకున్నా..తర్వాత పండగ సినిమాల పోటీలో నిలబడలేకపోయింది. ఈ సినిమా బాక్సాఫీస్ పెర్ఫార్మెన్స్ తో ఎలా ఉన్నా.. కంటెంట్ వల్ల ప్రభాస్ అభిమానులు బాగా డిజప్పాయింట్ అయ్యారు.

ఎంతలా డిజప్పాయింట్ అయ్యారు అంటే.. దర్శకుడు మారుతీ, క్రియేటివ్ ప్రొడ్యూసర్ ఎస్ కె ఎన్..లపై మండిపడుతూ సోషల్ మీడియాలో అసభ్యకరమైన పదజాలలతో ధూషించారు. అక్కడితో ఆగలేదు.! ప్రీ రిలీజ్ ఈవెంట్లో దర్శకుడు మారుతీ ఇంటి అడ్రెస్ ఇవ్వడంతో.. అతని ఇంటికి క్యాష్ ఆన్ డెలివరీ ఆర్డర్లు పెట్టేసి చిత్ర హింసలకి గురిచేశారు. ‘ది రాజాసాబ్’ తర్వాత దర్శకుడు మారుతీ బయటకి రావడానికి కూడా సాహసించలేదు అంటే పరిస్థితి అర్దం చేసుకోవచ్చు.

అయితే ప్రభాస్ ఫ్యాన్స్ కి ఇప్పుడు కొంత రిలీఫ్ లభించింది అని చెప్పాలి. ఎందుకంటే ‘డార్లింగ్'(Darling) సినిమా రీ రిలీజ్ అయ్యింది. 16 ఏళ్ళ తర్వాత ఈ సినిమా రీ రిలీజ్ అవ్వడం విశేషం. అయితే దీనికి ప్రమోషన్స్ పెద్దగా చేయలేదు. అయినప్పటికీ జనాలు బాగా వెళ్లారు. ప్రభాస్ రీ రిలీజ్ సినిమాల్లో ‘బాహుబలి ది ఎపిక్’ మినహా.. మిగతా సినిమాలు చెప్పుకోదగ్గ రేంజ్లో పెర్ఫార్మ్ చేయలేదు. అయితే ‘డార్లింగ్’ మాత్రం మంచి కలెక్షన్స్ రాబట్టింది.

రీ రిలీజ్ అయిన 4 రోజుల్లో ‘డార్లింగ్’ సినిమా రూ.8.6 కోట్ల వరకు గ్రాస్ ను కలెక్ట్ చేసింది. రీజనల్ రీ రిలీజ్ సినిమాల్లో హయ్యెస్ట్ ఓపెనింగ్స్ సాధించిన సినిమాలుగా ‘ఖలేజా’ ‘మురారి’ ‘గబ్బర్ సింగ్’ సినిమాలు టాప్ 3 ప్లేసెస్లో ఉన్నాయి. అయితే ‘డార్లింగ్’ సినిమా ‘గబ్బర్ సింగ్’ కలెక్షన్స్ ను అధిగమించి ప్రస్తుతానికి టాప్ 3 ప్లేస్ ను ధక్కించుకుంది. ఈరోజు వసూళ్లతో ‘మురారి’ వసూళ్లని అధిగమించే అవకాశాలు ఉన్నాయి.

ఎన్టీఆర్- నీల్.. ఎందుకింత డిలే..!