Darling OTT: అపరిచితురాలు ఇక్కడైనా అలరిస్తుందా?

ప్రియదర్శి (Priyadarshi)  , నభా నటేష్ (Nabha Natesh)  కాంబినేషన్లో వచ్చిన లేటెస్ట్ మూవీ ‘డార్లింగ్’  (Darling). ‘హనుమాన్’ (Hanu Man)  వంటి పాన్ ఇండియా బ్లాక్ బస్టర్ అందించిన ‘ప్రైమ్‌షో ఎంటర్‌టైన్‌మెంట్‌’ బ్యానర్ అధినేత నిరంజన్ రెడ్డి అతని భార్య చైతన్య కలిసి ఈ చిత్రాన్ని నిర్మించారు. తమిళ దర్శకుడు అశ్విన్ రామ్  (Aswin Raam) తెరకెక్కించిన ఈ సినిమా జూలై 19న ప్రేక్షకుల ముందుకు వచ్చింది. టీజర్, ట్రైలర్, రిలీజ్ ట్రైలర్ వంటివి ప్రేక్షకులను ఆకట్టుకున్నాయి. పైగా ప్రభాస్ (Prabhas)  సూపర్ హిట్ మూవీ ‘డార్లింగ్’ టైటిల్ ను వాడుకోవడంతో ఈ సినిమాకి మంచి పబ్లిసిటీ వచ్చింది.

కానీ అవేవీ ఈ సినిమాని బాక్సాఫీసు వద్ద కాపాడలేకపోయాయి. మొదటి షోతోనే నెగిటివ్ టాక్ ను మూటగట్టుకోవడం వల్ల బాక్సాఫీసు వద్ద దారుణంగా ఫ్లాప్ అయ్యింది. ఈ సినిమాపై హీరోయిన్ నభా నటేష్ చాలా ఆశలు పెట్టుకుంది. ఎందుకంటే ఆమెకు యాక్సిడెంట్ అవడం వల్ల దాదాపు 3 యేళ్ళు సినిమాలకు దూరమైంది. అందువల్ల చాలా ఆశలు పెట్టుకుని ఈ సినిమా చేసింది. స్ప్లిట్ పర్సనాలిటీ కలిగిన అమ్మాయిగా ఈ సినిమాలో నటించింది.

ఇక ‘బలగం’ (Balagam) హిట్ తో ఫామ్లో ఉన్నాడు ప్రియదర్శి. వీరి కాంబినేషన్ కూడా ఎందుకో జనాలని ఆకట్టుకోలేదు. ఇక థియేటర్లలో సక్సెస్ కాలేకపోయిన ఈ సినిమా అతి త్వరలో ఓటీటీలోకి రానుంది. ఆగస్టు 13న ఈ చిత్రం డిస్నీ ప్లస్ హాట్ స్టార్లో స్ట్రీమింగ్ కానుంది. మరి ఇక్కడైనా ప్రేక్షకులను ఆకట్టుకుంటుందేమో చూడాలి.