Prabhas: ఆ డైరెక్టర్ ను ఫాలో అవుతున్న ప్రభాస్!

స్టార్ హీరో ప్రభాస్ ఒకే సమయంలో నాలుగు సినిమాలలో నటిస్తూ ప్రస్తుతం ఏ స్టార్ హీరో లేనంత బిజీగా ఉన్నారు. ప్రాజెక్ట్ కె అనే వర్కింగ్ టైటిల్ తో ప్రభాస్ నాగ్ అశ్విన్ కాంబినేషన్ మూవీ షూటింగ్ మొదలైంది. దాదాపు 500 కోట్ల రూపాయల భారీ బడ్జెట్ తో ఈ సినిమా తెరకెక్కనుండగా మహానటి తర్వాత నాగ్ అశ్విన్ డైరెక్షన్ లో తెరకెక్కుతున్న సినిమా ఇదే కావడం గమనార్హం. బాలీవుడ్ హీరోయిన్ దీపికా పదుకొనే ఈ సినిమాలో హీరోయిన్ గా నటిస్తున్నారు.

బాలీవుడ్ మెగాస్టార్ బిగ్ బీ అమితాబ్ బచ్చన్ ఈ సినిమాలో కీలక పాత్రలో నటిస్తున్న సంగతి తెలిసిందే. దీపికా పదుకొనే ఈ సినిమా గురించి చెబుతూ ముందు రాబోయే వాటి గురించి ఆలోచిస్తుంటే థ్రిల్లింగ్ గా ఉందని షాకింగ్ కామెంట్లు చేశారు. ప్రముఖ దర్శకుడు సింగీతం శ్రీనివాసరావు ఈ సినిమాకు స్క్రిప్ట్ మెంటార్ గా పని చేస్తున్న సంగతి తెలిసిందే. ప్రేక్షకులు సైతం ఈ సినిమా కోసం ఆసక్తిగా ఎదురు చూస్తున్నారు.

మరోవైపు హీరో ప్రభాస్, దర్శకుడు నాగ్ అశ్విన్ టైటిల్ విషయంలో రాజమౌళిని ఫాలో అవుతున్నట్టు అర్థమవుతోంది. రాజమౌళి మొదట ఆర్ఆర్ఆర్ పేరుతో వర్కింగ్ టైటిల్ ను ప్రకటించి ఆ తర్వాత ఈ సినిమాకు రౌద్రం రణం రుధిరం అని టైటిల్ ను అనౌన్స్ చేశారు. ప్రభాస్, నాగ్ అశ్విన్ వర్కింగ్ టైటిల్ అని చెప్పినా చివరకు ప్రాజెక్ట్ కె ఫైనల్ టైటిల్ అయ్యే అవకాశాలు ఉన్నాయి. వైజయంతీ మూవీస్ బ్యానర్ పై ఈ సినిమా తెరకెక్కుతుండటం గమనార్హం.

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!