Deepika Padukone : దీపికా పదుకొనే చేజారిపోయిన మరో బిగ్గెస్ట్ ప్రాజెక్ట్..?

బాలీవుడ్‌లో టాప్ హీరోయిన్‌గా తనకంటూ ప్రత్యేకమైన స్థానం సంపాదించుకున్న ముద్దుగుమ్మ దీపికా పదుకొనే. ప్రస్తుతం ఈ భామ కెరీర్ పరంగా క్లిష్ట దశను ఎదుర్కొంటున్నారనే చర్చలు వినిపిస్తున్నాయి. వరుస విజయాలతో స్టార్‌డమ్‌ను ఆస్వాదించిన దీపికా, ఇటీవలి కాలంలో కొన్ని భారీ ప్రాజెక్టులు చేతులారా జారిపోవడంతో ఇండస్ట్రీలో రకరకాల ఊహాగానాలు మొదలయ్యాయి.

Deepika Padukone

ముఖ్యంగా భారీ బడ్జెట్ సినిమాలు అయిన ‘స్పిరిట్’ మరియు ‘కల్కి 2’ నుంచి ఆమె తప్పుకున్నట్లు వార్తలు రావడం పెద్ద చర్చకు దారితీసింది. కారణాలు ఏవైనా సరే, ఇలాంటి ప్రాజెక్టులు మిస్ కావడం వల్ల ఆమె మార్కెట్‌పై ప్రభావం పడుతుందనే అభిప్రాయం కొందరు వ్యక్తం చేస్తున్నారు. అయితే సినీ రంగంలో ఒక సినిమా దూరమైతే వెంటనే నెగటివ్ టాక్ రావడం సహజమే అన్నది మరో వర్గం వాదన.

ఇదిలా ఉండగా, సోషల్ మీడియాలో మరో ఇంట్రెస్టింగ్ వార్త ఒకటి హల్‌చల్ చేస్తోంది. ప్రముఖ హాలీవుడ్ సిరీస్ ‘ది వైట్ లోటస్’ లో నటించే అవకాశం కూడా దీపికాకు అవకాశం వచ్చినట్టే వచ్చి మిస్ అయిందని ఒక ప్రచారం జోరుగా సాగుతోంది. ఈ సిరీస్‌ను రూపొందించిన మైక్ వైట్ టీమ్ నుంచి ఎలాంటి అధికారిక ప్రకటన రాకపోయినా, వ్యక్తిగత కారణాలు మరియు టైమింగ్ సమస్యలే ఇందుకు కారణమై ఉండొచ్చని టాక్.

అయితే ఈ వార్తలన్నింటికీ మధ్య దీపికా పేరు ఇప్పటికీ గ్లామర్ ఇండస్ట్రీలో బలంగా వినిపిస్తూనే ఉంది. ప్రస్తుతం ఆమె ఆశలన్నీ రాబోయే ప్రాజెక్ట్ అల్లుఅర్జున్ – అట్లీ కాంబోలో తెరకెక్కుతున్న ప్రాజెక్టు పైనే పెట్టుకుందంట. ఈ సినిమా హిట్ అయితే, దీపికా మళ్లీ టాప్ ఫామ్‌లోకి రావడం ఖాయమని అభిమానులు నమ్ముతున్నారు. విజయాలు, అపజయాలు ప్రతి నటుడి కెరీర్‌లో సాధారణమే. మంచి కంబ్యాక్ ఇచ్చి తన సత్తా ఏంటో నిరూపించుకుంటుంది అని అభిమానులు చర్చించుకుంటున్నారు.

Vijay : తమిళ్ స్టార్ హీరో విజయ్ కి షాక్.. విడాకులు నోటీసులు ఇచ్చిన భార్య.. కారణం ఏంటో తెలిస్తే షాక్ అవుతారు !