నిర్మాత అశ్వినీదత్ కు అడ్వాన్స్ తిరిగిచ్చేసిన దీపిక పదుకొణె..!

యంగ్ రెబల్ స్టార్ ప్రభాస్ ప్రస్తుతం ‘జిల్’ ఫేమ్ రాధాకృష్ణ కుమార్ డైరెక్షన్లో ‘రాధే శ్యామ్’ అనే పాన్ ఇండియా చిత్రం చేస్తున్నాడు. ఈ చిత్రానికి సంబంధించిన ఫస్ట్ లుక్ ఇటీవల విడుదల చేసిన సంగతి తెలిసిందే. ఇక ఈ చిత్రం పూర్తయిన తర్వాత మరో రెండు పాన్ ఇండియా ప్రాజెక్టులకు ప్రభాస్ గ్రీన్ సిగ్నల్ ఇచ్చాడు. అందులో ఒకటి ప్రభాస్ – నాగ్ అశ్విన్(‘మహానటి’ ఫేమ్) కాంబినేషన్లో తెరకెక్కే చిత్రం కాగా… మరొకటి ఓం రౌత్(తానాజీ ఫేమ్) డైరెక్షన్లో ‘ఆది పురుష్’ అనే చిత్రం కావడం విశేషం.

ఇదిలా ఉండగా.. నాగ్ అశ్విన్ డైరెక్షన్లో ప్రభాస్ హీరోగా తెరకెక్కుతోన్న చిత్రాన్ని అశ్వినీ దత్ భారీ బడ్జెట్ తో నిర్మించనున్నారు. ఈ చిత్రంలో బాలీవుడ్ స్టార్ హీరోయిన్ దీపిక పదుకొణె… హీరోయిన్ గా నటిస్తుందని కూడా అధికారిక ప్రకటన ఇచ్చేశారు. అయితే దీపిక పదుకొణె.. ‘ఈ ప్రాజెక్ట్ నుండీ తప్పుకుంటుంది’ అంటూ కథనాలు పుట్టుకొస్తున్నాయి. మొన్నటికి మొన్న’ ‘ప్రభాస్ హీరోయిన్’ అంటూ దీపిక గురించి బాలీవుడ్ మీడియా ప్రచురించడం ఆమెకు నచ్చడంలేదని.. ఇన్ సెక్యూరిటీ ఫీలవుతుంది’ అంటూ టాక్ నడిచిన సంగతి తెలిసిందే.

అందుకే దీపికా ఈ ప్రాజెక్ట్ నుండీ తప్పుకుంటుందని ప్రచారం జరుగుతుంది. అసలు మ్యాటర్ ఏంటంటే.. ఈ ప్రాజెక్టు అంగీకరించిన తరువాత దీపిక.. నిర్మాత అశ్వినీదత్ కు అడ్వాన్స్ తిరిగి ఇచ్చేసిందట. కరోనా వైరస్ కారణంగా నిర్మాతల కష్ఠాల గురించి అలోచించి ఆమె ఈ నిర్ణయం తీసుకుంది అనేది ఇన్సైడ్ టాక్. కానీ ‘ఆమె ఈ ప్రాజెక్టు నుండీ తప్పుకుంటుంది కాబట్టే అడ్వాన్స్ తిరిగిచ్చేసింది’ అంటూ వార్తలు పుట్టుకొస్తున్నట్టు స్పష్టమవుతుంది.

Most Recommended Video

తన 24 ఏళ్ళ కెరీర్లో పవన్ కళ్యాణ్ రిజెక్ట్ చేసిన సినిమాలు… లిస్ట్ లో చాలా హిట్ సినిమాలు ఉన్నాయి!
34 ఏళ్ళ సినీ కెరీర్ లో ‘కింగ్’ నాగార్జున రిజెక్ట్ చేసిన సినిమాల లిస్ట్..!
మెగాస్టార్ చిరంజీవి కెరీర్లో ఆగిపోయిన సినిమాల లిస్ట్..!