ప్రభాస్ 21లో దీపిక రోల్ అదే..!

July 21, 2020 / 01:56 PM IST

Join Us

ప్రభాస్ 21 మూవీలో దీపికా పదుకొనె హీరోయిన్ గా చేస్తున్నారన్న అధికారిక ప్రకటన రావడంతో ఫ్యాన్స్ ఫుల్ ఖుషి అయ్యారు. సగటు సినిమా అభిమానికి ఈ న్యూస్ పెద్దగా కిక్ ఇవ్వలేదు. రెండు నెలలుగా దీపికా ప్రభాస్ 21 హీరోయిన్ అంటూ ప్రచారం జరుగుతున్న సంగతి తెలిసిందే. అందుకే ఈ ప్రకటన పెద్ద సర్ప్రైజ్ పంచలేదు. ఫ్యాన్స్ మాత్రం మా హీరో పక్కన దీపికా చేస్తుందంటూ కాలర్ ఎగరేస్తున్నారు. బాలీవుడ్ టాప్ యాక్ట్రెస్ గా ఉన్న దీపికా మొదటిసారి ప్రభాస్ మూవీతో టాలీవుడ్ లో అడుగుపెట్టడం కూడా వారి సంతోషానికి కారణం.

కాగా ఈ మూవీ కోసం భారీ రెమ్యూనరేషన్ ఇచ్చి దీపికాను తీసుకోవడానికి కథలోని ఆమె పాత్రనే అని తెలుస్తుంది. అలాగే దీపికా పదుకొనె పాత్రపై ఓ ఆసక్తికర వార్త బయటికి రావడం జరిగింది. ప్రభాస్ 21 మూవీలో దీపిక పదుకొనె డాన్సర్ రోల్ చేస్తుందట. పాత్ర దృష్ట్యా అద్భుతమైన డాన్సింగ్ స్కిల్స్ ప్రదర్శించాల్సి ఉంటుందట. అందుకే ఏరికోరి దీపికను ఎంచుకున్నారని సమాచారం. ఇక ఈ మూవీ దర్శకుడు నాగ్ అశ్విన్ సైతం రాజు పక్కన సరిజోడైన రాణి ఉండాలిగా, ఎంతో అలోచించి తీసుకున్న నిర్ణయం ఇది అన్నారు.

దీనితో దీపికాకు కథలో కీలకమైన పాత్రై ఉండే అవకాశం కలదు. దాదాపు ఈ మూవీ సైన్స్ ఫిక్షన్ జోనర్ లో తెరకెక్కనుందని తెలుస్తుంది. ఈ ఏడాది చివర్లో సెట్స్ పైకి వెళ్లనున్న ఈ చిత్రం 2022లో విడుదల కానుంది. దాదాపు 500కోట్ల రూపాయల బడ్జెట్ తో ఈ భారీ చిత్రం తెరకెక్కనుంది. సీనియర్ ప్రొడ్యూసర్ అశ్వినీ దత్ ఈ చిత్రాన్ని నిర్మిస్తున్నారు.