ఎన్టీఆర్ సినిమా నుండి తప్పుకుంది!

కొరటాల శివ దర్శకత్వంలో ఎన్టీఆర్ ప్రస్తుతం ‘జనతా గ్యారేజ్’ సినిమాలో నటిస్తున్నాడు. ఈ సినిమా చిత్రీకరణ దశలో ఉంది. ఈ చిత్రంలో మలయాళ సూపర్ స్టార్ మోహన్ లాల్ ముఖ్యమైన పాత్రలో కనిపించబోతున్నారు. మొదట ఆయనకు జంటగా దేవయాని నటిస్తుందనే వార్తలు వచ్చాయి. కాని తాజాగా దేవయాని ఈ సినిమా నుండి తప్పుకుందని సమాచారం. ఆమె స్థానంలో నటి సుహాసిని ను కన్ఫర్మ్ చేసినట్లు తెలుస్తోంది. త్వరలోనే ఆమె షూటింగ్ లో పాల్గొననుంది. ఇది వరకు ఎన్టీఆర్, సుహాసిని కాంబినేషన్ లో వచ్చిన ‘రాఖీ’ సినిమా మంచి హిట్ టాక్ సంపాదించింది. మరోసారి ఈ సినిమాతో స్క్రీన్ మీద కనిపించబోతున్నారు. ఈ సినిమాలో ఎన్టీఆర్ లుక్ కొత్తగా కనపడేలా జాగ్రత్తలు తీసుకుంటున్నారు. ముఖ్యంగా ఈ సినిమాలో ఎన్టీఆర్ సిక్స్ ప్యాక్ చూపించడానికి ప్లాన్ చేస్తున్నారని సమాచారం.